10, 12-ம் வகுப்பு மாணவர்களே, 2 வது திருப்புதல் தேர்வு தேதி அறிவிப்பு..!

கொரோனா பரவல் குறைந்த நிலையில் தற்போது பள்ளி, கல்லூரிகள் திறக்கப்பட்டு நேரடி வகுப்புகள் நடத்தப்பட்டு வருகின்றன. இந்நிலையில், மாணவர்கள் பொதுத்தேர்வை சந்திக்க ஆயத்தமாக அவர்களுக்கு திருப்புதல் தேர்வுகளை நடத்த திட்டமிடப்பட்டுள்ளது.

அதன்படி கடந்த மாதம் 10-ம் மற்றும் 12-ம் வகுப்பு மாணவர்களுக்கு முதல் திருப்புதல் தேர்வு நடத்தப்பட்டது. தற்போது, 2-வது திருப்புதல் தேர்வு நடத்தப்பட உள்ளது. இதற்கான அட்டவணையை புதுச்சேரி கல்வித்துறை வெளியிட்டுள்ளது.

அதன்படி, வரும் 28-ம் தேதி 10-ம் மற்றும் 12-ம் வகுப்பு மாணவர்களுக்கு திருப்புதல் தேர்வுகள் தொடங்குகிறது. 10-ம் வகுப்பு மாணவர்களுக்கு காலை 10 மணி முதல் 1 மணி வரை தேர்வுகள் நடக்கிறது.

28-ம் தேதி மொழிப்பாட தேர்வும், 29-ம் தேதி ஆங்கிலம், 30-ம் தேதி கணக்கு, 31-ம் தேதி அறிவியல், ஏப்ரல் 1-ம் தேதி சமூக அறிவியல் பாட தேர்வும் நடக்கிறது.

12-ம் வகுப்பு மாணவர்களுக்கு பிற்பகல் 2 மணி முதல் மாலை 5 மணி வரை தேர்வுகள் நடக்கிறது. 28-ம் தேதி மொழிப்பாடம், 29-ம் தேதி ஆங்கிலம், 30-ம் தேதி கம்ப்யூட்டர் சயின்ஸ், கம்ப்யூட்டர் அப்ளிகேஷன், ஹோம் சயின்ஸ், அரசியல் அறிவியல் பாடங்களுக்கும், 31-ம் தேதி வேதியியல், கணக்கியல், புவியியல் ஆகிய பாடங்களுக்கு தேர்வு நடக்கிறது.

ஏப்ரல் 1-ம் தேதி உயிரியல், தாவரவியல், வரலாறு, வர்த்தக கணக்கு மற்றும் புள்ளியில், எலக்ட்ரிக்கல் இன்ஜினீயரிங், எலக்ட்ரானிக் இன்ஜினீயரிங், சிவில் இன்ஜினீயரிங், ஆட்டோமொபைல் இன்ஜினீயரிங், மெக்கானிக்கல் இன்ஜினீயரிங், அலுவலக மேலாண்மை ஆகிய பாடங்களுக்கு தேர்வு நடக்கிறது.

4-ம் தேதி கணக்கு, விலங்கியல், வணிகவியல், டெக்ஸ்டைல் ஆடை வடிவமைப்பு, வேளாண் அறிவியல் ஆகிய பாடங்களுக்கும், 5-ம் தேதி இயற்பியல், பொருளாதாரம், கம்ப்யூட்டர் டெக்னாலஜி ஆகிய பாடங்களுக்கான தேர்வு நடக்கிறது.