வருமான வரியை சேமிக்க 2 சூப்பர் திட்டங்கள்!!

வருமான வரியை சேமிப்பதற்காகவே பல்வேறு வரி சேமிப்புத் திட்டங்கள் உள்ளன. இத்திட்டங்கள் வரியை சேமிப்பதற்கு மட்டுமல்லாமல் நீண்டகால அடிப்படையில் நல்ல வருமானம் கொடுப்பவை.

வருமான வரியை சேமிக்க பல்வேறு திட்டங்கள் உள்ளன. எனினும், எக்விட்டி சேமிப்பு திட்டங்கள் (Equity Linked Savings Scheme), தேசிய பென்சன் திட்டம் (National Pension System) ஆகிய இரு திட்டங்களும் மிகுந்த வரவேற்பை பெற்றவை.

எக்விட்டி சேமிப்புத் திட்டங்களில் (ELSS) முதலீடு செய்திருந்தால் வருமான வரிச் சட்டம் பிரிவு 80C கீழ் 1.5 லட்சம் ரூபாய் வருமான வரி சலுகை பெறலாம். எக்விட்டி சேமிப்புத் டிட்டங்களில் SIP முறை முதலீட்டு வசதிகளும் இருப்பது கூடுதல் பலம்.

எனவே, பங்குச் சந்தை நகர்வுகளுக்கு ஏற்ப நீங்கள் லாபமும் பெறலாம். கடந்த சில ஆண்டுகளாக எக்விட்டி சேமிப்புத் திட்டங்கள் சுமார் 16% முதல் 23% லாபம் கொடுத்துள்ளதாக நிபுணர்கள் கூறுகின்றனர்.

தற்போதைய சூழலில் இளம் முதலீட்டாளர்கள் உள்பட பல தரப்பினர் மத்தியில் பிரபலமான பென்சன் திட்டம் தேசிய பென்சன் திட்டம்தான் (National Pension System). இத்திட்டத்தில் 18 முதல் 70 வயது வரையிலானவர்கள் முதலீடு செய்யலாம்.

இத்திட்டம் அதிக லாபம் தருவதால் பலரும் முதலீடு செய்கின்றனர். மேலும், தேசிய பென்சன் திட்டத்தில் முதலீடு செய்திருந்தால் வருமான வரிச் சட்டம் பிரிவு 80C கீழ் 1.5 லட்சம் ரூபாய் வரை வரி சலுகை பெறலாம்.

எக்விட்டி சேமிப்புத் திட்டம், தேசிய பென்சன் திட்டம் இரண்டுமே அதிக லாபம் தருவதுடன் வருமான வரி சலுகையும் தருகின்றன. இதுமட்டுமல்லாமல் இவ்விரு திட்டங்களுமே எக்விட்டிகளில் (பங்குச் சந்தை) அதிகம் முதலீடு செய்வது குறிப்பிடத்தக்கது.

newstm.in