3500 வீரர்கள் உயிரிழப்பு.. உக்ரைன் ராணுவம் அறிவிப்பு..!

உக்ரைன் மீது ராணுவ நடவடிக்கைகளை மேற்கொள்ள ரஷ்ய படைகளுக்கு அதிபர் விளாடிமிர் புதின் உத்தரவிட்டார். இதனை தொடர்ந்து, உக்ரைனை பல முனைகளில் இருந்து ரஷ்ய படைகள் தாக்கத் தொடங்கின.

தொடர்ந்து இன்று 3-வது நாளாக போர் நீடிக்கிறது. போரை முன்னிட்டு, இரு தரப்பிலும் ராணுவ தளவாடங்கள் அழிக்கப்பட்டு வருகின்றன. வீரர்களின் உயிரிழப்பு பற்றியும் தகவல் வெளிவருகின்றன.

அந்தவகையில், உக்ரைனில் போர் நடத்தும் ரஷ்ய ராணுவத்தின் 3 ஆயிரத்து 500 வீரர்கள் உயிரிழந்துள்ளதாக உக்ரைன் ராணுவம் அறிவித்துள்ளது.

அத்துடன், ரஷ்யாவின் 102 போர் டாங்கிகள், 536 கவச வாகனங்கள், 15 பீரங்கிகள், 14 போர் விமானங்கள், 8 ஹெலிகாப்டர்களை வீழ்த்தி அழித்துள்ளதாக தகவல் வெளியாகியுள்ளது.