நடிகர் விக்ரமுக்கு மாரடைப்பு ஏற்படவில்லை – முழு தகவல்!!

நடிகர் விக்ரமுக்கு மாரடைப்பு என வெளியான தகவலில் உண்மையில்லை என தனியார் மருத்துவமனை நிர்வாகம் தெரிவித்துள்ளது.

தமிழ் சினிமாவில் சிறந்த நடிகராக வளம் வருபவர் விக்ரம். தனது வித்தியாசமான நடிப்பு திறமையால் சக நடிகர்களையே ரசிகர்களாக கொண்டவர். அண்மையில் நடிகர் விக்ரம் அவரது மகன் துருவ் விக்ரம் நடிப்பில் வெளியான ’மகான்’ திரைப்படம் அனைவர் மத்தியிலும் பாராட்டைப் பெற்றது.

இதையடுத்து இயக்குநர் மணிரத்தினம் இயக்கத்தில் பிரம்மாண்டமாகத் தயாராகியுள்ள பொன்னியின் செல்வன் படத்திலும் நடிகர் விக்ரம் நடித்துள்ளார். இந்த படத்தில் விக்ரம் ஆதித்ய கரிகாலனாக நடித்துள்ளார். பொன்னியின் செல்வன் படத்தின் டீசர் நேற்று வெளியாகியுள்ளது.

இந்நிலையில் நடிகர் விக்ரமிற்கு திடீரென உடல்நலக்குறைவு ஏற்பட்டது. இதனால் சென்னையில் உள்ள காவேரி மருத்துவமனையில் சிகிச்சைக்காக அனுமதிக்கப்பட்டார். அவருக்கு மாரடைப்பு ஏற்பட்டதால் மருத்துவனையில் சேர்க்கப்பட்டுள்ளதாக செய்திகள் வெளிவந்தன.

இந்நிலையில் ்ந்த செய்திக்கு காவேரி மருத்துவமனை மறுப்பு தெரிவித்துள்ளது. இது தொடர்பாக காவேரி மருத்துவமனை வெளியிட்டுள்ள அறிக்கையில், "நடிகர் விக்ரமுக்கு மாரடைப்பு என வெளியான தகவலில் உண்மையில்லை.

விக்ரம் முழு உடல் நலத்துடன் உள்ளார். விரைவில் குணமடைந்து வீடு திரும்புவார் என தெரிவித்துள்ளது. இதனால் விக்ரம் ரசிகர்கள் நிம்மதி அடைந்துள்ளனர்.

newstm.in