மனிதர்களுடன் வேற்றுகிரகவாசிகள் பாலியல் உறவு.. ஆய்வின் ரகசிய ஆவணம் தகவல் !!

ரகசிய திட்ட ஆய்வில் மனிதர்களுக்கும், வேற்று கிரகவாசிகளுக்கும் இடையே 5 முறை பாலியல் உறவு நடந்துள்ளது என தெரிவிக்கப்பட்டு உள்ளது.

அமெரிக்காவில் பென்டகன் அமைப்பு ஒன்று வேற்றுகிரகவாகிள், பறக்கும் தட்டுகள் உள்ளிட்டவை பற்றி கடந்த 2007ஆம் ஆண்டு முதல் 2012ஆம் ஆண்டு வரையில் ரகசிய ஆய்வில் ஈடுபட்டன. இந்த திட்டத்திற்கு வான்வழி அச்சுறுத்தலை அடையாளம் காணும் திட்டம் என பெயரிட்டு உள்ளனர்.

இந்த நிலையில், பென்டகனின் ரகசிய திட்டத்துடன் தொடர்புடைய சில ஆவணங்களை பாதுகாப்பு உளவு அமைப்பிடம் (டி.ஐ.ஏ.) இருந்து தி சன் பத்திரிகை பெற்றுள்ளது. தகவல் பெறும் சுதந்திரம் அடிப்படையில் பெறப்பட்ட 1,500 பக்கங்களை கொண்ட அந்த ஆவணங்களின் அடிப்படையிலான அறிக்கையில், வேற்று கிரகவாசிகள் மனிதர்களுடன் பாலியல் உறவில் ஈடுபட்டதற்கான சான்றுகள் கிடைத்து உள்ளன என அதிர்ச்சி தகவல் தெரிவிக்கப்பட்டு உள்ளது.

அறிவியல் புரிந்துணர்வை கடந்த நிலையிலான, வித்தியாசமான அனுபவங்களை பெற்ற மனிதர்களிடம் ஏற்பட்ட சுகாதார தாக்கம் பற்றி இந்த ஆய்வு மேற்கொள்ளப்பட்டு உள்ளது. இதில், மனிதர்கள் மீது இந்த வேற்று கிரகவாசிகளின் உயிரியல் சார்ந்த தாக்கங்கள் பட்டியலிடப்பட்டு உள்ளன. அவற்றில், கடத்தல், கர்ப்பமடைய செய்தல், பாலியல் உறவில் ஈடுபடுதல், டெலிபதி அனுபவம் உள்ளிட்ட விசித்திர விசயங்கள் நடந்துள்ளன என தெரிவிக்கிறது.

அந்த அறிக்கையின்படி, வேற்று கிரகவாசிகளுக்கும், மனிதர்களுக்கும் இடையே இதுவரை குறைந்தது 5 முறை பாலியல் உறவுகள் நடந்துள்ளன என ஆய்வு தெரிவிக்கின்றது. இதனால், கணக்கில் வராத கர்ப்பம் ஏற்பட்டு உள்ளது என்றும் தெரிவித்து உள்ளது.

இதுபோன்ற வேற்றுகிரகவாசிகளின் விசித்திர தாக்கங்களால், மனிதர்களுக்கு காயங்கள் ஏற்பட்டதற்கான சான்றுகள் உள்ளன என்றும், அது தொடர்புடைய மருத்துவ கோப்புகளில் இருந்து கிடைத்த 42 சம்பவங்களும் மற்றும் தகவல் வெளியிடப்படாத இதேபோன்ற 300 சம்பவங்களும் நடந்துள்ளன, எனவும் அறிக்கை தெரிவிக்கின்றது.

newstm.in