சென்னை மக்களே கவனம்.. முக்கிய சாலைகளில் போக்குவரத்து மாற்றம்

உலகச் சதுரங்கப் போட்டியின் துவக்க விழா முன்னிட்டு நாளை (ஜூலை 28) நண்பகல் முதல் இரவு 9 மணிவரை போக்குவரத்து மாற்றம் செய்யப்படுவதாக சென்னை போக்குவரத்து காவல்துறை அறிவித்துள்ளது. இது குறித்து போக்குவரத்து காவல் துறை வெளியிட்ட அறிக்கையில் கூறியிருப்பதாவது, 44ஆவது உலகச் சதுரங்கப் போட்டியின் துவக்க விழா சென்னை பெரியமேடு ராஜா முத்தைய்யா சாலையில் அமைந்துள்ள ஜவஹர்லால் நேரு உள் விளையாட்டரங்கத்தில் நாளை மாலை நடைபெறுகிறது. அந்த நிகழ்ச்சியில் பிரதமர் தமிழக ஆளுநர், முதல்வர், ஒன்றிய அமைச்சர்கள், மாநில அமைச்சர்கள், பல்வேறு நாடுகளைச் சார்ந்தச் சதுரங்க விளையாட்டு வீரர்கள் மற்றும் வீராங்கனைகள் மற்றும் சிறப்பு விருந்தினர்கள் கலந்துக் கொள்ள உள்ளனர்.