இன்று நடைபெற்ற ஐபிஎல் ஆட்டத்தில் சென்னை அணியை வீழ்த்தி பெங்களூரு அணி வெற்றி..!!

இன்றைய ஐபிஎல் ஆட்டத்தில் பெங்களூரு- சென்னை - அணிகள் மோதின .அதில் டாஸ் வென்ற சென்னை அணி முதலில் பந்துவீச்சை தேர்வு செய்துள்ளது .அதன்படி முதலில் பேட்டிங் செய்த பெங்களூரு அணியில் தொடக்க வீரர்களாக கேப்டன் டு பிளசிஸ் ,விராட் கோலி களமிறங்கினர் . இருவரும் தொடக்க விக்கெட்டுக்கு 62 ரன்கள் சேர்த்தனர் .அதன்பிறகு பிளஸ்சிஸ் 38 ரன்களுக்கு ஆட்டமிழந்தார் .பின்னர் வந்த மேக்ஸ்வெல் 3 ரன்களில் (ரன் அவுட் ) தனது விக்கெட்டை பறிகொடுத்தார் .அடுத்த ஓவரிலே விராட் கோலி 30 ரன்களில் ஆட்டமிழந்தார்.

கடைசி நேரத்தில் தினேஷ் கார்த்திக் அதிரடி காட்டினார் இறுதியில். பெங்களூரு அணி 20 ஓவர்கள் முடிவில் 8 விக்கெட் இழப்பிற்கு173 ரன்கள் எடுத்தது .இதனை தொடர்ந்து 174 ரன்கள் இலக்குடன் சென்னை அணி விளையாடியது . தொடக்க வீரர்களாக டேவோன் கான்வே ,ருதுராஜ் கெய்க்வாட் களமிறங்கின

தொடக்க விக்கெட்டுக்கு 51 ரன்கள் சேர்த்த நிலையில் ருதுராஜ் கெய்க்வாட் 28 ரன்களில் ஆட்டமிழந்தார் .பின்னர் வந்த ராபின் உத்தப்பா 1 ரன்களில் ஆட்டமிழந்து ஏமாற்றம் அளித்தார் .அதன்பின்னர் வந்த ராயுடு 10 ரன்களில் ஆட்டமிழந்தார் . மறுபுறம் அதிரடியாக ஆடிய டேவான் கான்வே அரைசதம் அடித்தார் .

தொடர்ந்து விளையாடிய அவர் 56 ரன்களில் ஆட்டமிழந்தார். அதற்க்கு அடுத்த ஓவரில் ஜடேஜா 3 ரன்களில் ஆட்டமிழந்தார் . தொடர்ந்து மொயின் அலி சிறிது நேரம் அதிரடி காட்டினார் அவர் 34 ரன்களில் ஹர்சல் படேல் பந்துவீச்சில் ஆட்டமிழந்தார். கடைசி 2 ஓவர்களில் 39 ரன்கள் தேவைப்பட்ட நிலையில் கேப்டன் தோனி களத்தில் இருந்தார் .

இதனால் சென்னை அணி ரசிகர்கள் நம்பிக்கையுடன் இருந்தனர் . ஆனால் டோனி 3 ரன்களில் ஹேசில்வுட் பந்துவீச்சில் தனது விக்கெட்டை பறிகொடுத்தார். இறுதியில் சென்னை அணி 20 ஓவர்கள் முடிவில் 8 விக்கெட் இழப்பிற்கு 160 ரன்கள் எடுத்து தோல்வி அடைந்தது .இதனால் பெங்களூரு அணி 13 ரன்கள் வித்தியாசத்தில் வெற்றி பெற்றது .