‘பீஸ்ட்’ ரிலீஸ் தேதி அறிவிப்பு.. கொண்டாட தயாராகும் ரசிகர்கள்..!

நெல்சன் திலீப்குமார் இயக்கத்தில், விஜய் நடிப்பில் உருவாகியுள்ள திரைப்படம் ‘பீஸ்ட்’. இந்த படத்தில் விஜய்க்கு ஜோடியாக நடிகை பூஜா ஹெக்டே நடித்துள்ளார். சன் பிக்சர்ஸ் நிறுவனம் தயாரித்துள்ள இந்தப் படத்திற்கு அனிருத் இசையமைத்துள்ளார்.

டார்க் காமெடி கலந்த ஆக்ஷன் திரைப்படமாக இந்த படம் உருவாகியுள்ளது. படத்திலிருந்து வெளியான பாடல்கள் அனைத்தும் ரசிகர்கள் மத்தியில் பலத்த வரவேற்பை பெற்றுள்ள நிலையில், அடுத்ததாக ரிலீஸ் தேதி அறிவிக்கப்பட்டுள்ளது.

அதன்படி, வருகின்ற ஏப்ரல் 13-ம் தேதி, தமிழ் புத்தாண்டை முன்னிட்டு ‘பிஸ்ட்’ திரைப்படம் வெளியாக உள்ளதாக சன் பிக்சர்ஸ் நிறுவனம் அறிவித்துள்ளது.

மற்ற நடிகர்களின் திரைப்பட ரிலீஸ் தேதி அறிவிக்கப்பட்டு வந்த நிலையில், ‘பீஸ்ட்’ படத்தின் ரிலீஸ் தேதி அறிவிக்கப்படாமல் இருந்ததால் விஜய் ரசிகர்கள் விரக்தியில் இருந்தனர்.

தற்போது, ‘பீஸ்ட்’ திரைப்படத்தின் ரிலீஸ் தேதி அதிகாரப்பூர்வமாக அறிவிக்கப்பட்டுள்ளது ரசிகர்களை உற்சாகத்தில் ஆழ்த்தியுள்ளது.

#BeastFromApril13@actorvijay @Nelsondilpkumar @anirudhofficial @hegdepooja @selvaraghavan @manojdft @Nirmalcuts @anbariv #Beast pic.twitter.com/htH6dTPX2q

— Sun Pictures (@sunpictures) March 22, 2022