குட் நியூஸ்.. இனி, இரவு 11 மணி வரை மெட்ரோ ரயிலில் பயணிக்கலாம்..!

சென்னையில் இன்று (17-ம் தேதி) முதல், காலை 5 மணி முதல் இரவு 11 வரை மெட்ரோ ரயில்கள் இயக்கப்படும் என மெட்ரோ நிர்வாகம் தெரிவித்துள்ளது.

பொதுமக்கள் மற்றும் ரயில் பயணிகளின் நலனை கருத்தில் கொண்டு இன்று (17-ம் தேதி) முதல் அனைத்து நாட்களிலும் காலை 5 மணி முதல் இரவு 11 வரை மெட்ரோ ரயில்கள் இயக்கப்படும் என்று மெட்ரோ ரயில் நிர்வாகம் கூறியுள்ளது.

மேலும், வார நாட்களில் (திங்கள் முதல் சனி வரை) நெரிசல் மிகுந்த நேரங்களான காலை 8 முதல் 11 மணி, மாலை 5 முதல் 8 மணி வரை 5 நிமிட இடைவெளியிலும், மற்ற நேரங்களில் 10 நிமிட இடைவெளியிலும் இரவு 10 மணி முதல் 11 மணி வரை 15 நிமிட இடைவெளியில் இயக்கப்படும்.

ஞாயிற்றுக்கிழமை மற்றும் அரசு பொது விடுமுறை நாட்களில் காலை 5 மணி முதல் இரவு 10 மணி வரை 10 நிமிட இடைவெளியிலும், இரவு 10 மணி முதல் 11 மணி வரை 15 நிமிட இடைவெளியிலும் ரயில்கள் இயக்கப்படும் என்று தெரிவிக்கப்பட்டுள்ளது.