அந்த இயக்குநரால் கர்ப்பமாகி கருக்கலைப்பு செய்தேன்.. பிரபல நடிகை அதிர்ச்சி தகவல்

இந்தி திரையுலகில் வளர்ந்து வரும் பிரபல நடிகையாக மந்தனா கரீமி உள்ளார். பாக் ஜானி, ராய் உள்ளிட்ட பல பாலிவுட் படங்களில் நடித்து கவனம் ஈர்த்துள்ளார். ஈரான் நாட்டை பூர்வீகமாக கொண்ட இவர், இந்தி பிக்பாஸ் நிகழ்ச்சியில் கலந்து கொண்டு 2ஆவது இடம் பிடித்தார்.

இந்த நிலையில், நடிகை மந்தனா கரீமி மும்பையை சேர்ந்த தொழிலதிபரான கவுரவ் குப்தா என்பவரை காதலித்து கடந்த 2017ஆம் ஆண்டு மார்ச் மாதம் திருமணம் செய்து கொண்டனர். எனினும், இந்த திருமண வாழ்க்கை ஒரு சில மாதங்களே நீடித்தன. அதன்பின் இருவரும் பிரிந்து விட்டனர். அதன்பின்னர் படங்களில் நடித்து வந்தார்.

இந்த நிலையில், நடிகை கங்கனா ரணாவத் நடத்தும் லாக்-அப் என்ற நிகழ்ச்சியில் மந்தனா கரீமி பங்கேற்று உள்ளார். அதில், உங்களிடமுள்ள ஒரு ரகசியம் பற்றி கூறுங்கள் என மந்தனா கரீமியிடம் கேட்கப்பட்டது. அப்போது, அவர் வெளியேற்றுதல் சுற்றில் இருந்ததால், அதனையும் கருத்தில் கொண்டு தனது வாழ்க்கையின் பெரிய ரகசியம் ஒன்றை வெளியிட்டு உள்ளார். அதாவது முன்னணி இயக்குனர் ஒருவருடன் தனக்கு ஏற்பட்ட ரகசிய உறவு பற்றி வெளிப்படுத்தி உள்ளார்.

மந்தனா கரீமி கூறும்போது, எனக்கும் இயக்குநர் ஒருவருக்கும் இடையேயான உறவு ஒரு சில மாதங்களிலேயே வலுப்பெற்றது. இதனால், என்னுடனேயே வாழ இயக்குனர் திட்டமிட்டார். ஆனால், இதனை வெளியில் யாருக்கும் கூறாமல் ரகசியம் காப்பது என இருவரும் முடிவு செய்தோம்.
ஏனெனில், எனது முன்னாள் கணவரிடம் இருந்து விவாகரத்து பெறுவதற்காக பொறுத்திருந்தேன் என கூறியுள்ளார். இதன்பின் நெருங்கி பழகியதால் கரீமி கர்ப்பமடைந்து உள்ளார்.

இதனை தனது காதலரான அந்த இயக்குனரிடம் மந்தனா கரீமி கூறியுள்ளார். ஆனால், அதனை கேட்டு அவர் அதிர்ச்சி அடைந்த அவர், இந்த பொறுப்புகளை ஏற்று கொள்ளும் அளவுக்கு மனதளவிலும், உணர்வுரீதியிலும் இன்னும் தயாராகவில்லை என மந்தனா கரீமியிடம் கூறியுள்ளார்.

இதனால், வேறு வழியின்றி கருக்கலைப்பு செய்யும் முடிவுக்கு சென்றதாக மந்தனா கரீமி கூறியுள்ளார். அந்த இயக்குனர் பெண் உரிமைகள் பற்றி பேசுபவர். பலருக்கு கடவுளாக இருப்பவர் என்றும் மந்தனா பேசும்போது கூறியுள்ளார். இதனை அவர் கூறும்போது, மந்தனா, சக போட்டியாளர்கள், நடிகை கங்கனா ரணாவத்தும் கண்கலங்கினர்.

newstm.in