உன்னோடு வாழ்ந்த நான் ஒரு முட்டாள்.. சொல்கிறார் டி.இமானின் மாஜி மனைவி..!

“12 ஆண்டுகள் உங்களுடன் சேர்ந்து வாழ்ந்த ஒருவரை இவ்வளவு சீக்கிரம் மாற்றிவிட முடியும் என்றால், உங்களைப் போன்ற ஒரு நபருடன் என் நேரத்தை வீணடித்த நான் ஒரு முட்டாள் என நினைக்கிறேன்” என்று, இசையமைப்பாளர் டி.இமானின் முன்னாள் மனைவி மோனிகா கூறியுள்ளார்.

இசையமைப்பாளர் டி.இமான் மோனிகாவை திருமணம் செய்து 13 ஆண்டுகள் கழித்து அவரிடமிருந்து சட்டப்படி பிரிந்துவிட்டார். இந்நிலையில், இரண்டு நாட்களுக்கு முன்பு, மறைந்த கலை இயக்குநர் உபால்டுவின் மகள் எமிலியை டி.இமான் மறுமணம் செய்துள்ளார்.

இந்நிலையில், டி.இமானுக்கு அவருடைய முன்னாள் மனைவி மோனிகா தனது ட்விட்டர் பக்கத்தில் வாழ்த்து தெரிவித்துள்ளார். அதில், “டியர் டி.இமான், இரண்டாவது திருமணத்திற்கு வாழ்த்துக்கள்.

12 ஆண்டுகள் உங்களுடன் சேர்ந்து வாழ்ந்த ஒருவரை இவ்வளவு சீக்கிரம் மாற்றிவிட முடியும் என்றால், உங்களை போன்ற ஒரு நபருடன் என் நேரத்தை வீணடித்த நான் ஒரு முட்டாள் என நினைக்கிறேன்.

கடந்த இரண்டு ஆண்டுகளாக உங்கள் சொந்த பிள்ளைகளையே நீங்கள் பார்க்கவும் இல்லை, கவனிக்கவும் இல்லை. ஆனால், அவர்களுக்கு பதிலும் ஒருவரை கண்டுபிடித்திருப்பது ஆச்சரியமாக இருக்கிறது.

உங்கள் அப்பாவிடம் இருந்து என் பிள்ளைகளை நான் பாதுகாப்பேன். தேவைப்பட்டால், அந்த புது குழந்தையையும் நான் பாதுகாப்பேன். திருமண வாழ்த்துகள்” என்று கூறியுள்ளார்.

இமானுக்கும், மோனிகாவுக்கும் கடந்த 2021-ம் ஆண்டு நவம்பர் மாதம் விவாகரத்து கிடைத்தது. இதையடுத்து, ஒரு வருடத்திற்கு உள்ளாகவே டி. இமான் மறுமணம் செய்து கொண்டதைத்தான் மோனிகா இப்படி கூறியிருக்கிறார்.