நாளை முதல் அமலுக்கு வரும் முக்கிய மாற்றங்கள்!! அவசியம் தெரிந்துகொள்ளுங்கள்..!!

கடந்த ஜூன் மாதம் 28 மற்றும் 29-ம் தேதிகளில், மத்திய நிதியமைச்சர் நிர்மலா சீதாராமன் தலைமையில் 47வது ஜிஎஸ்டி கவுன்சில் கூட்டம் நடைபெற்றது.

இதில் பல பொருட்கள் மற்றும் சேவைகள் மீதான ஜிஎஸ்டி வரியை திருத்தி அமைக்க முடிவு செய்யப்பட்டது. இதன் காரணமாக புதிய ஜிஎஸ்டி வரி மாற்றம் ஜூலை 18-ம் தேதி முதல் அமலுக்கு வருகிறது. அதன்படி,நாளை முதல் சில பொருட்களின் மீதான ஜிஎஸ்டி மேலும் அதிகரிக்கப்பட உள்ளது. அவை என்னென் என்பதை பார்க்கலாம்.

• லீகல் மெட்ராலஜி சட்டத்தின்படி முன்கூட்டியே பேக்கிங் செய்யப்பட்ட, முன்கூட்டியே லேபிளிடப்பட்ட தயிர், லஸ்ஸி மற்றும் மோர், பால் போன்ற சில்லறை பொருட்களுக்கு ஜூலை 18 முதல் 5% ஜிஎஸ்டி வரி விதிக்கப்படும்.
• காசோலைகளை வழங்குவதற்கு வங்கிகள் வசூலிக்கும் கட்டணத்திற்கு 18 சதவீதம் ஜிஎஸ்டி விதிக்கப்படும்.
• மருத்துவமனையில் அறை வாடகை (ICU தவிர்த்து) 1 நோயாளிக்கு 1நாளைக்கு ரூ. 5000க்கு மேல் ITC இல்லாத அறைக்கு வசூலிக்கப்படும் தொகைக்கு 5 % வரி விதிக்கப்படும்.
• அட்லஸ்கள் உள்ளிட்ட வரைபடங்கள்( Maps) 12 சதவிகிதம் ஜிஎஸ்டி விதிக்கப்படும்.
• ஹோட்டல் அறைகளின் வாடகை ஒரு நாளைக்கு 1000 ரூபாய்க்குள் இருந்தால் தற்போது வசூலிக்கப்படும் ஜிஎஸ்டி வரி 12 சதவீதத்தில் இருந்து 18 சதவீதமாக அதிகரிக்கப்பட்டுள்ளது.ஹோட்டல் அறைகளை 12 சதவீத ஜிஎஸ்டிக்கு கீழ் ஒரு நாளைக்கு ரூ.1,000க்குள் கொண்டு வரவும் ஜிஎஸ்டி கவுன்சில் முடிவு செய்துள்ளது.
• எல்இடி விளக்குகள், சாதனங்கள் ஆகியவற்றுக்கு 12 சதவீதத்தில் இருந்து 18 சதவிகித ஜிஎஸ்டி வரி உயர்ந்துள்ளதால் இந்த பொருட்களின் விலையும் உயரும்.
• கத்திரிக்கோல் போன்ற தையல் சார்ந்த பொருட்கள் மற்றும் பென்சில், ஷார்பனர்கள் போன்ற ஸ்டேஷனரி பொருட்கள், பிளேடுகள், ஸ்பூன்கள், ஃபோர்க்ஸ் போன்ற சில்வர் பொருட்கள், லேடில்ஸ் ஸ்கிம்மர்கள், கேக்- போன்ற நாம் அன்றாடம் பயன்படுத்தும் பொருட்களுக்கு 12 சதவீதத்தில் இருந்து 18 சதவீதமாக உயர வாய்ப்புள்ளது.

ஜிஎஸ்டி குறைவு:

• சரக்கு வண்டிகளை வாடகைக்கு எடுப்பதற்கு தற்போது 18 சதவீதம் ஜிஎஸ்டி வரி விதிக்கப்பட்டு வரும் நிலையில் வரும் 18-ம் தேதி முதல் அது 12 சதவீதமாக குறையும் வாய்ப்பு உள்ளது.
• எலும்பு முறிவு உபகரணங்கள், உடலின் செயற்கை பாகங்கள், குறைபாடு அல்லது இயலாமைக்கு ஈடுசெய்ய அணியும் அல்லது உடன் எடுத்துச் செல்லப்படும் அல்லது உடலில் பொருத்தப்பட்ட பிற உபகரணங்கள், உள் விழி லென்ஸ் ஆகிய பொருட்களுக்கு ஜிஎஸ்டி வரி விகிதங்கள் 12 சதவீதத்தில் இருந்து 5 சதவீதமாக குறைகிறது. எனவே இவற்றின் விலை குறையும்.
• இதனைத் தவிர பாதுகாப்புப் படைகளுக்கு பயன்படும் பொருட்கள், தனியார் நிறுவனங்கள்/ விற்பனையாளர்களால் இறக்குமதி செய்யப்படும் குறிப்பிட்ட பாதுகாப்புப் பொருட்கள் மீதான ஜிஎஸ்டியில் இருந்து விலக்கு அளிக்கப்பட்டுள்ளது.