இரண்டு தலை கொண்ட அதிசய பல்லி- வைரலாகும் வீடியோ !!
இரண்டு தலை கொண்ட அதிசய பல்லி- வைரலாகும் வீடியோ !!
பல்லி முதல் பாம்பு வரை ஊர்வனங்கள் அனைத்துமே பயத்தை ஏற்படுத்தும் வகையில் இருக்கலாம். இதில் பள்ளி சிறியதாக இருந்தாலும் அதை பார்த்தால் சிலருக்கு அதிக பயம் வரும். அதே பல்லிக்கு இரண்டு தலைகள், நீல நிற நாக்கு இருந்தால் கூடுதல் பயம் இருக்கத்தான் செய்யும். இப்படிப்பட்ட பல்லிதான் தற்போது சமூக வலைதளங்களில் வைரலாகியுள்ளது.
ஆஸ்திரேலியாவில் உள்ள ஒரு உயிரியல் பூங்காவிடம் இரண்டு தலைகள் மற்றும் நீல நிற நாக்கு கொண்ட பல்லி ஒப்படைக்கப்பட்டுள்ளது. அதாவது குடியிருப்பு பகுதியில் இந்த அரிய பல்லி கிடைத்ததாகவும், அதனை பொதுமக்கள் கண்டுபிடித்து உயிரியல் பூங்காவிடம் ஒப்படைத்ததாகவும் கூறப்படுகிறது. இந்த பல்லி பூங்காவுக்கு வரும் பார்வையாளர்களை வெகுவாக கவர்ந்துள்ளது.
ஆஸ்திரேலிய பல்லி இனங்களில் நீல நிற நாக்கு கொண்ட பல்லிகள் சாதாரணமாக காணப்பட்டாலும் இரண்டு தலைகள் கொண்ட பல்லி மிக அரிது. இந்த பல்லிக்கு பூங்கா ஊழியர்கள் அனைவரும் சேர்ந்து அதிர்ஷ்ட பல்லி (Lizard lucky) என பெயர் சூட்டியுள்ளனர். பூங்கா ஊழியர் ஒருவர் இந்த பல்லியின் வீடியோவை இன்ஸ்டகிராமில் பகிர்ந்துள்ளார். மேலும், இந்த அரிய பல்லியின் வீடியோ இன்ஸ்டகிராம் உள்ளிட்ட சமூக வலைதளங்களில் வைரலாக பரவியுள்ளது.
இதுபோல இரண்டு தலை அல்லது அசாதாரண உடல் அமைப்பு கொண்ட உயிரினங்கள் அதிகம் உயிர் பிழைப்பதில்லை. ஏனெனில், இவை உணவு உட்கொள்வதில் இருந்து பல்வேறு சிரமங்களை சந்திக்கின்றன. இதனால், இந்த பல்லி நீண்ட காலம் உயிருடன் இருப்பது கடினம் என்கின்றனர் நிபுணர்கள்.
newstm.in
