#BREAKING மு.க. ஸ்டாலினுக்கு ரஜினிகாந்த் வாழ்த்து ! தமிழகத்தை வளமாக மாற்ற கோரிக்கை !!

தமிழக சட்டப்பேரவைத் தேர்தலில் திமுகவின் வெற்றி உறுதியாகியுள்ளது. இதனால் தமிழகத்தின் அடுத்த முதலமைச்சராக திமுக தலைவர் மு.க. ஸ்டாலின் பொறுப்பேற்க உள்ளார். இதனையடுத்து மு.க. ஸ்டாலினுக்கு பல்வேறு தரப்பினரும் வாழ்த்து கூறி வருகின்றனர். பல்வேறு மாநில முதலமைச்சர்கள், அரசியல் தலைவர்கள், மத்திய அமைச்சர்கள் வாழ்த்து கூறினர்.

இதே போன்று நடிகர் ரஜினியும் ஸ்டாலினுக்கு வாழ்த்து தெரிவித்துள்ளார். நடைபெற்ற தமிழக சட்டமன்ற தேர்தலின் கடும் போட்டியில், திறம்பட அயராது உழைத்து, வெற்றி அடைந்து இருக்கும் என்னுடைய அன்பு நண்பர் மதிப்பிற்குரிய மு.க. ஸ்டாலின் அவர்கள் நீண்ட ஆயுளுடனும், ஆரோக்கியத்துடனும் இருந்து அனைத்து தரப்பு மக்களும் திருப்தி அடையும் வகையில் ஆட்சி செய்து, தமிழகத்தை வளமான மாநிலமாக மாற்ற பெரும் பேரும் புகழும் பெற வேண்டும் என்று மனமார வாழ்த்துகிறேன், இவ்வாறு ரஜினிகாந்த் தனது ட்விட்டரில் குறிப்பிட்டுள்ளார்.

pic.twitter.com/cuUjHru4kB

— Rajinikanth (@rajinikanth) May 2, 2021

newstm.in