#BREAKING:- பிறந்தநாளன்று மருத்துவமனையில் அனுமதிக்கப்பட்ட பழம்பெரும் இயக்குனர்

பழம்பெரும் இயக்குனர் எஸ்.பி முத்துராமன் கொரோனா அறிகுறிகளுடன் தற்போது மருத்துவமனையில் அனுமதிக்கப்பட்டுள்ளார்.

1972ம் ஆண்டு வெளியான கனியமுது பாப்பா படம் மூலம் தமிழ் திரையுலகில் இயக்குநராக அறிமுகமானவர் எஸ்.பி. முத்துராமன். ரஜினிகாந்தை வைத்து 25 படங்களை இயக்கியவர் முத்துராமன். குறிப்பாக நடிகர் ரஜினிகாந்த், கமல்ஹாசன் நடித்த பல சூப்பர் ஹிட் படங்களை இயக்கியவர். 1995-ம் ஆண்டுக்குப் பிறகு எஸ்.பி.முத்துராமன் எந்தவொரு படமும் இயக்கவில்லை.

அவருக்கு நேற்று 86வது பிறந்தநாளாகும். முத்துராமனுக்கு பலரும் சமூக வலைதளங்களில் வாழ்த்து தெரிவித்தனர்.இந்நிலையில் நேற்று உடல் சோர்வு ஏற்பட்டுள்ளதை தொடர்ந்து கோடம்பாக்கத்தில் உள்ள தனியார் மருத்துவமனையில் அனுமதிக்கப்பட்டுள்ளார்.அவரை பரிசோதித்த மருத்துவர்கள் அவருக்கு கொரோனா அறிகுறிகள் இருப்பதை உறுதி செய்தனர். அவருக்கு கோவிட் நிமோனியா இருக்கும் என்று சந்தேகிக்கப்படுகிறது. அவர் தற்போது மருத்துவர்கள் குழுவின் கண்காணிப்பில் இருக்கிறார்.

தமிழகத்தில் கொரோனா வைரஸால் பாதிக்கப்படுவோரின் எண்ணிக்கை தொடர்ந்து அதிகரித்து வரும் வேலையில், பழம்பெரும் இயக்குனர் முத்துராமன் மருத்துவமனையில் அனுமதிக்கப்பட்ட செய்தி அறிந்த திரையுலக பிரபலங்களும், ரசிகர்களும் கவலை அடைந்துள்ளனர்.

newstm.in