4 வயது பச்சிளம் குழந்தையை கூட விட்டு வைக்க மாட்டிங்களா ..!!

நீலகிரி மாவட்டம் கூடலூர் அருகே ஓவேலி பகுதியை சேர்ந்த மாற்றுத்திறனாளி அப்பாஸ் (வயது 52). திருமண இவர் கூலி வேலை செய்து வந்தார். கடந்த 2019-ம் ஆண்டு வீதியில் விளையாடி கொண்டு இருந்த நாலரை வயது மதிக்கத்தக்க சிறுமியை தனியாக அழைத்து சென்று பாலியல் தொந்தரவு செய்துள்ளார்.

இதுகுறித்து சிறுமியின் பெற்றோர் கூடலூர் அனைத்து மகளிர் போலீஸ் நிலையத்தில் புகார் அளித்தனர்.

அதன்பேரில் போலீசார் விசாரணை நடத்தி அப்பாஸ் மீது போக்சோ சட்டத்தின் கீழ் வழக்குப்பதிவு செய்து அவரை கைது செய்தனர். இந்த வழக்கின் விசாரணை ஊட்டி மகளிர் நீதிமன்றத்தில் நடந்து வந்தது.

இந்நிலையில் இந்த வழக்கில் மாற்றுத்திறனாளியான அப்பாசுக்கு நீதிமன்றம் 2 பிரிவுகளின் கீழ் 20 ஆண்டுகள் மற்றும் 7 ஆண்டுகள் என மொத்தம் 27 ஆண்டுகள் சிறை தண்டனை விதித்துள்ளது.