சட்டப்பேரவையில் முக்கிய அறிவிப்புகளை வெளியிட்ட முதல்வர் மு.க.ஸ்டாலின் !!

சட்டப்பேரவையில் இன்று, முக்கிய அறிவிப்புகளை வெளியிட்டு முதல்வர் மு.க.ஸ்டாலின் பேசியதாவது;

• "கூடங்குளம், குடியுரிமை சட்டத்தை எதிர்த்து அறவழியில் போராடிய மக்கள் மீது போடப்பட்ட வழக்குகள் அனைத்தும் வாபஸ் பெறப்படும்.
• அதுபோல், மீத்தேன், நியூட்ரினோ, எட்டுவழிச்சாலை திட்டங்களுக்கு எதிராக போராடியவர்கள் மீது போடப்பட்ட வழக்குகள் அனைத்தும் வாபஸ் பெறப்படும்.
• மேலும், கருத்து சுதந்திரத்தை பறிக்கும் வகையில் பத்திரிகையாளர்கள் மீது போடப்பட்ட வழக்குகளும் வாபஸ் பெறப்படும்.
• அத்துடன், சமத்துவபுரங்கள் சீரமைக்கப்பட்டு, புதிய சமத்துவபுரங்கள் அமைக்கப்படும்.
• திருக்கோயில்களை புனரமைக்க 100 கோடி ரூபாய் ஒதுக்கீடு செய்யப்பட்டுளது.

மேலும், வட மாவட்டங்களில் தொழில் வளர்ச்சியை பெருக்க திண்டிவனம், செய்யாறு பகுதிகளில் 22 ஆயிரம் பேருக்கு வேலைவாய்ப்பு தரும் வகையில் இரண்டு பெரும் தொழிற்சாலைகள் நிறுவப்படும்" என, முதல்வர் மு.க.ஸ்டாலின் தெரிவித்தார்.