தொட்டாலே விழும் பொறியியல் கல்லூரி கட்டடம்! எம்.எல்.ஏ வெளியிட்ட வீடியோ!!

லக்னோவில் பொறியியல் கல்லூரி கட்டுமான பணிகள் நடந்த கட்டடமொன்று, மிக மோசமான தரத்துடன் கட்டப்பட்டிருப்பதை அம்மாநில சமாஜ்வாடி கட்சி எம்.எல்.ஏ.யொருவர் நேரில் ஆய்வு செய்து கண்டறிந்துள்ளார்.

கட்டட வேலை நடக்கும் இடத்துக்கு சென்ற எம்.எல்.ஏ. ஆர்.கே.வெர்மா, அங்கிருந்த செங்கல் தூணை தனது கைகளால் தள்ளுகிறார். அப்போது அது அப்படியே கீழே விழுகிறது. விழுந்த அந்த தூண், ஒரு நான்கு மாடி கட்டிடத்துக்காக கட்டப்பட்டது என்று வீடியோவில் எம்.எல்.ஏ தெரிவிக்கிறார்.

இந்த வீடியோவை தன் ட்விட்டரில் பகிர்ந்துள்ள அகிலேஷ் யாதவ், பாஜக-வின் ஊழல் ஆட்சியில் கட்டப்படும் கட்டிடங்கள் யாவும் தனித்துவமிக்கமானதுதான். அப்படித்தான் இந்தக் கட்டிடமும். இக்கட்டிடத்தில் உபயோகப்படுத்தப்பட்டுள்ள செங்கற்கள் கூட, சிமெண்ட் இல்லாமல் கட்டப்பட்டுள்ளதை நம்மால் காணமுடிகிறது” என்றுள்ளார்.

இக்கட்டடம் ஒரு பொறியியல் கல்லூரிக்காக கட்டப்பட்டு வருகிறது என்றும் சொல்லப்படுகிறது. இந்த கள ஆய்வின்போது அந்தக் கட்டிட கட்டுமானத்தின் பிற இடங்கள் எவ்வளவு மோசமாக கட்டப்பட்டுள்ளது என்பதையும் அங்கிருந்தவர்கள் காட்சிப்படுத்தியுள்ளனர்.

भाजपा के राज में, घोर भ्रष्टाचार का कमाल है निराला
बिन सीमेंट, इंजीनियर कॉलेज की ईंटों को जोड़ डाला pic.twitter.com/q2iqFyCELX

— Akhilesh Yadav (@yadavakhilesh) June 24, 2022

இதை எம்.எல்.ஏ. ஆர்.கே.வெர்மா தனது ட்விட்டர் பக்கத்தில் பகிர்ந்துள்ளார். இதுபோன்ற தரக்குறைவான கட்டுமானப் பணிகள் இளைஞர்களின் எதிர்காலத்தைக் கட்டிக்காக்காது. இது அவர்களின் மரணத்திற்கு ஏற்பாடு செய்வது போன்றது என்று தெரிவித்துள்ளார்.

newstm.in