பிரதமருக்கு கொரோனா பாதிப்பு.. தடுப்பூசி செலுத்தியும் தாக்கிய தொற்று ..

இந்தியா உள்பட உலகம் முழுவதும் கொரோனா வைரஸ் பாதிப்பு படிப்படியாகக் குறைந்து கொண்டே வந்தாலும் இன்னும் ஒரு சில நாடுகளில் கொரோனா வைரஸ் பாதிப்பு அதிகரித்து வருகிறது. இது கொரோனா பாதிப்பின் தீவிரம் குறித்து மீண்டும் அச்சம் ஏற்பட்டுள்ளது.

அந்த வகையில் ஐரோப்பிய நாடுகளில் தொற்று பரவல் மீண்டும் அதிகரித்துள்ளது. தொற்று பரவலைக் கட்டுப்படுத்தும் வகையில் அங்கு மீண்டும் கட்டுப்பாடுகள் விதிக்கப்பட்டு வருகின்றன. குறிப்பாக ஆஸ்திரியாவில் நாடு தழுவிய ஊரடங்கு அமல்படுத்தப்பட்டுள்ளது பிரான்ஸ் நாட்டிலும் கடந்த சில நாட்களாக கொரோனா வைரஸ் பாதிப்பு அதிகரித்து கொண்டே வருகிறது என்பது குறிப்பிடத்தக்கது.

இந்தநிலையில், பிரான்ஸ் பிரதமர் ஜீன் காஸ்டெக்ஸ்-க்கு கொரோனா தொற்று உறுதி செய்யப்பட்டுள்ளது. கொரோனா தொற்றால் பாதிக்கப்பட்ட ஜீன் காஸ்டெக்ஸ், 10 நாட்கள் தனிமையில் இருந்து பணிகளை கவனிப்பார் என அறிவிக்கப்பட்டுள்ளது. காஸ்டெக்ஸ் முழுமையாக தடுப்பூசி செலுத்திக்கொண்டவர் என்பது குறிப்பிடத்தக்கது.

பெல்ஜியம் சுற்றுப்பயணம் செய்த ஜீன் காஸ்டெக்ஸ், அந்நாட்டு பிரதமரை சந்தித்து பேசியிருந்தார். பின்னர் காஸ்டெக்ஸ் நாடு திரும்பிய நிலையில், அவரது மகளுக்கு தொற்று பாதிப்பு கண்டறியப்பட்டது. இதையடுத்து, காஸ்டெக்சுக்கு பரிசோதனை செய்யப்பட்டதில் அவருக்கு கொரோனா உறுதி செய்யப்பட்டுள்ளது.

கொரோனா தொற்றால் பாதிக்கப்பட்ட ஜீன் காஸ்டெக்ஸ், 10 நாட்கள் தனிமையில் இருந்து பணிகளை கவனிப்பார் என அறிவிக்கப்பட்டுள்ளது. காஸ்டெக்ஸ் முழுமையாக தடுப்பூசி செலுத்திக்கொண்டவர் என்பது குறிப்பிடத்தக்கது.

newstm.in