டி.என்.பி.எஸ்.சி. போட்டித் தேர்வுகள்.. சான்றிதழ் சரிபார்ப்பு தேதி அறிவிப்பு..!

தமிழ்நாடு அரசுப் பணியாளர் தேர்வாணையத்தின் பல்வேறு போட்டித் தேர்வுக்கான சான்றிதழ் சரிபார்ப்பு தேதி அறிவிக்கப்பட்டுள்ளது.

இதுகுறித்து தமிழ்நாடு அரசுப் பணியாளர் தேர்வாணையம் (டி.என்.பி.எஸ்.சி.) வெளியிட்ட செய்திக்குறிப்பில், ‘இன்ஜினியரிங் சார்நிலை பணிகளுக்கான போட்டித் தேர்வு கடந்த 2021 செப்டம்பர் 18-ம் தேதி நடந்தது. இதற்கான மதிப்பெண் விவரங்கள் தேர்வாணையத்தின் இணையதளத்தில் வெளியிடப்பட்டுள்ளது.

மீன்வளத்துறை இளநிலை பொறியாளர், கைத்தறி மற்றும் ஜவுளித் துறை இளநிலை தொழில்நுட்ப உதவியாளர் பணிக்கான சான்றிதழ் சரிபார்ப்பு வரும் மே மாதம் 9-ம் தேதி நடக்க உள்ளது.

நெடுஞ்சாலை துறையில், இளநிலை வரைவாளர் பணிக்கு அசல் சான்றிதழ் சரிபார்ப்பு மற்றும் கவுன்சிலிங் வரும் மே மாதம் 12 மற்றும் 13-ம் தேதி நடக்க உள்ளது.

பொதுப்பணித்துறையில், இளநிலை வரைவாளர் பணி தேர்வுக்கு சான்றிதழ் சரிபார்ப்பு மற்றும் கவுன்சிலிங் வரும் மே மாதம் 16 முதல் 18-ம் தேதி வரை நடக்க உள்ளது.

இதுகுறித்த மேலும் விவரங்களை தமிழ்நாடு அரசுப் பணியாளர் தேர்வாணையத்தின் https://tnpsc.gov.in என்ற இணையதளத்தில் தெரிந்து கொள்ளலாம்’ என்று அதில் கூறப்பட்டுள்ளது.