கொரோனா வைரஸ் பின்னங்கால் பிடற ஓட என்ன செய்ய வேண்டும் என்கிறார்கள் டாக்டர்கள்?

சீனாவில் கடந்த டிசம்பர் மாதம் பரவிய கொரோனா வைரஸ் இன்று உலக நாடுகளில் ஏறத்தாழ 14 நாடுகளில் தொற்றை ஏற்படுத்தியிருக்கிறது. கடந்த வாரம் கேரளாவில் சீனாவிலிருந்து வந்திருந்த மாணவிக்கு கொரோனா வைரஸ் பாதிப்பு இருந்தது கண்டுபிடிக்கப்பட்டது. இந்தியா முழுக்க அதிர்வலையை ஏற்படுத்திய இந்த செய்தியை தொடர்ந்து மக்களுக்கு விழிப்புணர்வு ஏற்படுத்த மருத்துவத்துறையும், மருத்துவர்களும் பல முயற்சிகளை கையாண்டார்கள்

அப்படி அவர்கள் சொன்ன அறிவுரையை நீங்கள் கடைபிடித்தால் கொரோனோ வைரஸ் பின்னங்கால் பிடற ஓடி விடும். உலகமே அதிலும் வளர்ந்த நாடுகளே அதிக அச்சத்தில் உறைந்திருக்க எப்படி இவ்வளவு தைரியமாக நம்மால் விரட்ட முடியும் என்ற எண்ணம் உங்களுக்கு இருக்கலாம்.

பாரம்பரியமாகவே சித்த மருத்துவத்தில் நமக்கு தனி இடம் உண்டு. சித்த மருத்துவர்கள் சொல்வது போன்று உடலில் வாதம், பித்தம், கபம் மூன்றும் சமநிலையில் இருந்தால் உடலில் எந்த நோயும் வராது. இதை சமநிலையில் வைத்திருப்பவர்களை விரல் விட்டு எண்ணிவிடலாம். அந்தளவுக்கு பலரும் ஏதோ ஒருவகை ஆரோக்கிய பிரச்சனையை கொண்டிருக்கிறார்கள். எனினும் இந்த வைரஸ் தொற்றிலிருந்து தப்பிக்க இந்த ஐந்தை மட்டும் கடைபிடிக்கலாம்.

1. உணவில் அக்கறை

உடலில் நோய் எதிர்ப்பு சக்தி இருப்பவர்களிடம் எந்த நோயும் அண்டாது என்பதை எல்லா மருத்துவர்களும் சொல்கிறார்கள். அதனால் உணவில் இந்த கொரோனோ வைரஸ் தாக்கம் குறையும் வரை கவனம் செலுத்துங்கள். வைட்டமின் சி நிறைந்திருக்கு உணவுகளை அதிகம் எடுத்துகொள்ளுங்கள் என்கிறார்கள் மருத்துவர்கள். ஆரஞ்சு. எலுமிச்சை, மாதுளை, பழங்கள், காய்கறிகள், தானியங்கள், கீரைகள் என்று நமது உணவு முறைக்கு மாறுங்கள்.