பெரும் சோகம்.. ஒரே குடும்பத்தைச் சேர்ந்த 5 பேர் மர்மமான முறையில் மரணம்..!

திருவனந்தபுரம் மாவட்டம் கள்ளம்பலம் அருகே உள்ள சாத்தன்பாறையில், மர்மமான முறையில் இறந்த ஒரே குடும்பத்தைச் சேர்ந்த 5 பேரின் உடல்கள் மீட்கப்பட்டன.

மணிக்குட்டன் (54), அவரது மனைவி சந்தியா (46), அவர்களது பிள்ளைகள் அபிஜித் (16), அமீயா (12), மணிக்குட்டன் தாயாரின் சகோதரி தேவகி அம்மாள் (78) ஆகியோர் உயிரிழந்துள்ளனர்.

மணிக்குட்டன் ஒரு அறையில் தூக்கில் தொங்கிய நிலையில் கிடந்ததாகவும், மற்றவர்கள் விஷம் குடித்ததாகவும் போலீசார் தெரிவித்தனர்.

மணிக்குட்டன் குடும்பத்தினருக்கு விஷம் கொடுத்து விட்டு அதன்பிறகு தற்கொலை செய்து கொண்டிருக்கலாம் என போலீசார் சந்தேகிக்கின்றனர்.

மணிக்குட்டன் கடனில் இருந்ததால் சாத்தன் பாறையில் சிறிய கடை நடத்தி வந்தார். இரண்டு நாட்களுக்கு முன், பஞ்சாயத்து அதிகாரிகள் கடையை மூடும்படி கூறினர்.

அப்போதிருந்து அவர் மனச்சோர்வடைந்த நிலையில் இருந்தார். இது தீவிர நடவடிக்கை எடுக்க காரணமாக இருக்கலாம் என்று போலீசார் தெரிவித்தனர்.

இந்திய தண்டனைச் சட்டம் பிரிவு 174 (இயற்கைக்கு மாறான மரணம்) இன் படி கள்ளம்பலம் போலீசார் வழக்குப்பதிவு செய்து, மரணத்திற்கான காரணத்தை கண்டறிய விசாரணையை தொடங்கியுள்ளனர்.