அந்த விளம்பரத்திற்கும் எனக்கும் சம்பந்தம் இல்லை : நடிகர் சூரி!!
அந்த விளம்பரத்திற்கும் எனக்கும் சம்பந்தம் இல்லை : நடிகர் சூரி!!
எல்.எம் கல்வி அறக்கட்டளை நடிகர் சூரியின் புகைப்படத்தைப் பயன்படுத்தி 2022 – 23ஆம் ஆண்டுக்கான பொறியியல் மாணவர் சேர்க்கை நடைபெறுகிறது என்றும் இது முற்றிலும் இலவசம் எனவும் விளம்பரம் ஒன்றை வெளியிட்டுள்ளது.
மேலும் கல்லூரியில் சேரும் மாணவர்களுக்கு இலவச கல்வி உதவித் தொகையும் வழங்கப்படும் என்றும் இந்த நிகழ்ச்சியில் நடிகர் சூரி பங்கேற்பதாகவும் தெரிவிக்கப்பட்டுள்ளது.
இந்த விளம்பரத்தைப் பார்த்து அதிர்ச்சியடைந்த நடிகர் சூரி, இது போலியானது யாரும் இதை நம்ப வேண்டாம் என்று கல்வியை வியாபாரம் ஆக்குவது இந்த சமுதாயத்துக்கு என்றுமே நல்லதில்லை என தெரிவித்துள்ளார்.
இது குறித்து சமூகவலைதள பக்கத்தில் பதிவிட்டுள்ள சூரி, இந்த விளம்பரத்துக்கும் எங்களுக்கும் எந்த தொடர்பும் இல்லை. இந்த புகைப்படம் நான் சென்ற ஒரு நிகழ்வில் எடுக்கப்பட்டது. அதை வைத்து இப்படி ஒரு விளம்பரத்தை வடிவமைத்துள்ளனர் என்று விளக்கம் அளித்துள்ளார்.
விளம்பரங்கள் செய்த நபர்களை அழைத்து இப்படி தவறான விளம்பரம் தர வேண்டாம் என சொல்லி இருக்கிறோம். மீறுபவர்கள் மீது சட்டப்படி நடவடிக்கை எடுக்கப்படும். நாங்கள் செய்யும் கல்வி உதவிகள் தனிப்பட்ட முறையில் செய்து வருகிறோம்.
— Actor Soori (@sooriofficial) June 13, 2022
இந்த நிகழ்வுக்கும் எங்களுக்கும் எந்த தொடர்பும் இல்லை. கல்வி உதவியின் பெயரால் இப்படி தவறான விளம்பரங்கள் தந்து புனிதமான கல்வியை வியாபாரம் ஆக்குவது இந்த சமுதாயத்துக்கு என்றுமே நல்லதில்லை என தெரிவித்துள்ளார்.
newstm.in
