நடிகர் மாதவனுக்கு கௌரவ டாக்டர் பட்டம் !!
நடிகர் மாதவனுக்கு கௌரவ டாக்டர் பட்டம் !!
தமிழ் திரையுலகில் அலைபாயுதே படத்தின் மூலம் கதாநாயகனாக அறிமுகமாகி சாக்லேட் பாயாக வலம் வந்து கொண்டிருப்பவர் நடிகர் மாதவன். இவர் தமிழில் மட்டுமல்ல இந்தியாவின் பல மொழிகளிலும் தன் நடிப்பு திறமையால் லட்சக்கணக்கான ரசிகர்களை பெற்றுள்ளார்.
மாதவன் நடிப்பில் சமீபத்தில் வெளியான ‘மாறா’ படம் தமிழ் மக்களிடையே நல்ல வரவேற்பைப் பெற்றது. மலையாளத்தில் ஹிட் அடித்த ‘சார்லி’ படத்தின் தமிழ் ரீமேக் தான் மாறா. தற்போது ‘ராக்கெட்ரி விளைவு’ என்ற படத்தை இயக்கி நடித்து வருகிறார்.
இந்நிலையில், மாதவனுக்கு கௌரவ டாக்டர் பட்டம் வழங்கப்பட்டுள்ளது. அவரின் கலைச் சேவையை பாராட்டி, கோலாப்பூரில் உள்ள டி.ஒய். பாட்டில் பல்கலைக்கழகம் மாதவனுக்கு இந்த கௌரவ டாக்டர் பட்டத்தை வழங்கியுள்ளனர். அவரவர் துறையில் குறிப்பிடத்தக்க சாதனை புரிந்தவர்களுக்கே இந்த பட்டம் வழங்கப் படுவது வழக்கம். இந்தப் பட்டத்தை மாதவன் பெற்றுள்ளதை அடுத்து திரைத்துறை பிரபலங்களும், நண்பர்களும் அவருக்கு பாராட்டுக்களையும், வாழ்த்துக்களையும் தெரிவித்து வருகின்றனர். இதை மிகுந்த மகிழ்ச்சியுடன் மாதவன் தன்னுடைய சமூக வலைத்தளத்தில் பதிவிட்டுள்ளார்.
