இன்று பல புதிய விதிமுறைகள் அமல்! முழு விவரம்!!

ஒவ்வொரு மாதமும் புதிய விதிமுறைகள், புதிய அறிவிப்புகள் வெளியாகும் நிலையில், புதிய மாதமான இன்று முதல் என்ன விதிமுறைகள் அமலாகின்றன என்று பார்க்கலாம்.

மிக முக்கியமானது என்னவென்றால் இன்று மத்திய பட்ஜெட்டை நிதியமைச்சர் நிர்மலா சீதாராமன் தாக்கல் செய்யவுள்ளார். இதிலேயே ஏராளமான விதிமுறைகள் மாற்றப்படும் என எதிர்பார்க்கப்படுகிறது.

ஒவ்வொரு மாதமும் கேஸ் சிலிண்டர் விலை மாற்றப்படுவது வழக்கம். இதன்படி பிப்ரவரி மாதத்துக்கும் சிலிண்டர் விலை குறித்த அறிவிப்பு விரைவில் வெளியாகும் என எதிர்பார்க்கப்படுகிறது. தற்போது ஒரு சிலிண்டர் விலை 915 ரூபாயாக உள்ளது.

இந்தியாவின் மிகப்பெரிய வங்கியான எஸ்பிஐ டிஜிட்டல் பரிவர்த்தனைக்கான விதிமுறையை மாற்றியுள்ளது. இதன்படி, ஐஎம்பிஎஸ் பரிவர்த்தனைக்கான வரம்பை எஸ்பிஐ 2 லட்சம் ரூபாயில் இருந்து 5 லட்சம் ரூபாயாக உயர்த்தியுள்ளது.

எஸ்பிஐ வங்கி ஐஎம்பிஎஸ் பரிவர்த்தனைகளுக்கான சேவைக் கட்டணத்தையும் ரத்து செய்துள்ளது. இதன்படி, எஸ்பிஐ YONO ஆப் மூலம் ஐஎம்பிஎஸ் முறையில் 5 லட்சம் ரூபாய் வரை சேவைக் கட்டணம் இல்லாமல் பணம் அனுப்பலாம்.

இன்று பட்ஜெட் தாக்கல் செய்யப்படவுள்ள நிலையில், வருமான வரி விலக்கு வரம்பு உயர்த்தப்பட வேண்டுமென்பதே மிகப்பெரிய எதிர்பார்ப்பாக உள்ளது.

newstm.in