எகிறும் பெட்ரோல் விலை.. கிண்டல் செய்து சைக்கிளுக்கு மாறிய திரிஷா !
எகிறும் பெட்ரோல் விலை.. கிண்டல் செய்து சைக்கிளுக்கு மாறிய திரிஷா !
தென்னிந்திய சினிமாவில் 19 ஆண்டுகளுக்கு மேலாக கதாநாயகியாக வலம் வந்து கொண்டிருப்பவர் நடிகை திரிஷா. தமிழ் சினிமாவில் பல வெற்றிப்படங்களை கொடுத்த இவர், தமிழ் திரையுலகில் முன்னணி நடிகையாக வலம்வருகிறார். சில காலமாக படங்களில் நடிக்காமல் ஓய்வில் இருந்தார்.
எனினும் இவருக்கு தற்போது தமிழில் கர்ஜனை, சதுரங்க வேட்டை-2, ராங்கி, சுகர், 1818 ஆகிய படங்கள் உள்ளன. இதுதவிர மணிரத்னம் இயக்கத்தில் பிரம்மாண்டமாக உருவாகும் பொன்னியின் செல்வன் படத்திலும் முக்கிய கதாபாத்திரத்தில் நடிக்கிறார்.
இந்நிலையில் தற்போது இன்ஸ்டாகிராமில் புகைப்படம் ஒன்றை வெளியிட்டுள்ளார். நடிகை திரிஷா சைக்கிளுடன் இருக்கும் புகைப்படத்தை தனது சமூக வலைத்தளத்தில் வெளியிட்டு இருக்கிறார். அது வைரலாகி வருகிறது.
அவரது புகைப்படத்திற்கு, பெட்ரோல் விலை 100 ரூபாயை தாண்டி இருப்பதால் அதை கிண்டல் செய்யும் விதமாக சைக்கிள் புகைப்படத்தை அவர் வெளியிட்டு இருப்பதாக ரசிகர்கள் கமெண்ட் செய்து வருகிறார்கள். ஆனால் திரிஷா, இதுதான் என்னுடைய புதிய சைக்கிள். நல்ல மூடுக்கு ஒரு ரைட் போதும், என்று குறிப்பிட்டுள்ளார்.
newstm.in
