தமிழக அரசு வழங்கும் சிறப்பு ஊக்கத்தொகை.. வெளியானது அசத்தல் அறிவிப்பு !!

கரும்பு விவசாயிகளுக்கு சிறப்பு ஊக்கத்தொகையாக ஒரு மெட்ரிக் டன்னுக்கு ரூ.150 என்று கணக்கிட்டு வழங்க அரசாணை வெளியிடப்பட்டுள்ளது.

தமிழக அரசின் வேளாண்மை உற்பத்தித் துறை ஆணையர் சி.சமயமூர்த்தி வெளியிட்டுள்ள அரசாணையில், கடந்த 2016-17 முதல் 2019-20 வரை கருப்பு விலையாக டன் ஒன்றுக்கு 2,750 ரூபாய் விவசாயிகளுக்கு கிடைத்து வந்தது. தொடர்ந்து நான்கு பருவங்களாக எந்தவித விலை உயர்வும் அளிக்கப்படவில்லை. மறுபுறம் கரும்பு உற்பத்தி செய்யும் பகுதியான தொடர்ச்சியாக குறைந்து வருகிறது. இதுதொடர்பாக கரும்பு விவசாயிகள் தமிழக அரசுக்கு தொடர்ச்சியாக கோரிக்கைகளை முன்வைத்து வந்தனர்.

இந்நிலையில் 2021-22ஆம் நிதியாண்டில் வேளாண்மை மற்றும் விவசாயிகள் நலத்துறை பட்ஜெட் உரையின் போது, வேளாண்மை மற்றும் விவசாயிகள் நலத்துறை அமைச்சர் எம்.ஆர்.கே.பன்னீர்செல்வம் பேசுகையில், கரும்பு விவசாயிகளின் நலன் கருதி 2020-21 அரவை பருவத்திற்கு கரும்பு வழங்கும் விவசாயிகளின் வங்கிக் கணக்கில் டன் ஒன்றுக்கு 150 ரூபாய் வழங்க அரசு முடிவு செய்துள்ளதாக குறிப்பிட்டார். இதன்மூலம் கரும்பு விவசாயிகளுக்கு கரும்பு விலையாக டன் ஒன்றுக்கு 2,900 ரூபாய் கிடைக்கும்.

2021-22ஆம் ஆண்டில் ஒரு லட்சம் கரும்பு விவசாயிகளின் நலனுக்காக 138.83 கோடி ரூபாயை மாநில அரசு ஒதுக்கியுள்ளது. இதன்மூலம் ஒரு லட்சம் கரும்பு விவசாயிகள் பயன்பெறுவர் என்று கூறினார். இதையடுத்து வேளாண்மை மற்றும் விவசாயிகள் நலத்துறை செயலாளர் எழுதிய கடிதத்தில், பருவமழை ஏமாற்றம், சாகுபடி செலவு அதிகரிப்பு, கரும்பு விலை உயர்வு உள்ளிட்ட காரணங்களால் கரும்பு உற்பத்தி மற்றும் உற்பத்தித் திறன் கடந்த சில ஆண்டுகளாக வெகுவாக குறைந்துள்ளது.

தற்போதுள்ள கோ-86032 வகைக்கு மாற்றாக அதிக மகசூல் தரும் கரும்பு வகைகள் கிடைக்காதது, தொடர்ந்து அதிகரித்து வரும் சர்க்கரை உற்பத்தி செலவு மற்றும் நிலையான சரிவு சர்க்கரை விலை காரணமாக விவசாயிகள் வழங்கிய கரும்புக்கு உரிய நேரத்தில் தீர்வு கிடைக்காததால் சர்க்கரை ஆலைகள் கடுமையான நிதி நெருக்கடியை எதிர்கொள்கின்றன. கரும்பு சாகுபடி செலவு அதிகரிப்பை கருத்தில் கொண்டு கரும்பு விலையை உயர்த்தக் கோரி மாநில அரசுக்கு கரும்பு விவசாயிகள் தொடர்ந்து வலியுறுத்தி வருகின்றனர்.

எனவே அரசு அறிவித்த சிறப்பு ஊக்கத்தொகை திட்டத்தை செயல்படுத்த 138.83 கோடி ரூபாயை வழங்க வேண்டும் எனக் கூறப்பட்டுள்ளது. இதுதொடர்பான ஆய்வு செய்து 54.70 கோடி ரூபாயை ஒதுக்கீடு செய்ய தமிழக அரசு அனுமதி அளிக்கிறது. இதேபோல் இடைநிலை உற்பத்தி ஊக்குவிப்பு மற்றும் போக்குவரத்து மானியத் திட்டத்தின் கீழ்

முந்தைய ஆண்டுகளில் அனுமதிக்கப்பட்ட தொகையில் இருந்து சர்க்கரை துறையின் சேமிப்பாக வைத்திருக்கும் 84.48 கோடி ரூபாயை மீதித் தொகையாக பயன்படுத்த அனுமதி வழங்கப்படுவதாக தெரிவிக்கப்பட்டுள்ளது. மேலும் சிறப்பு ஊக்கத்தொகை பெறும் விவசாயிகளின் பட்டியலை தயார் செய்தல், சரிபார்த்தல், நிதி பரிமாற்றம் செய்தல், நிதியை முறையாக பயன்படுத்தியது தொடர்பான ஆவணங்களை சமர்பித்தல் உள்ளிட்டவற்றிற்கு கால வரம்பு நிர்ணயிக்கப்பட்டுள்ளது, என தெரிவிக்கப்பட்டுள்ளது.

newstm.in