இந்த கார்டு வைத்திருக்கும் எல்.ஐ.சி வாடிக்கையாளர்களுக்கு ஸ்பெஷல் சலுகை!!

இந்தியாவின் மிகப்பெரிய காப்பீட்டு நிறுவனமான எல்ஐசி (LIC) வாடிக்கையாளர் அல்லது பாலிசிதாரர் இலவசமாக கிரெடிட் கார்டு பெற்றுக்கொள்ளலாம். இதற்காக ஐடிபிஐ வங்கியுடன் கூட்டணி அமைத்து எல்ஐசி நிறுவனம் அண்மையில் கிரெடிட் கார்டை அறிமுகப்படுத்தியது.

எல்ஐசி நிறுவனம் லூமின் (Lumine), எக்லாட் (Eclat) என இரண்டு வகை கிரெடிட் கார்டுகளை வழங்குகிறது. இந்த கிரெடிட் கார்டுகள் எல்ஐசி பாலிசிதாரர்களுக்கும், உறுப்பினர்களுக்கும், ஏஜெண்டுகளுக்கும் பிரத்யேகமாக வழங்கப்பட்டு வருகிறது.

எல்ஐசி பாலிசிதாரர்கள் இந்த கிரெடிட் கார்டை பயன்படுத்தி பிரீமியம் செலுத்தினால் டபுள் பரிசுப் புள்ளிகள் (Reward points) கிடைக்கும். இதுபோக, பெட்ரோல் டீசல் கட்டணத்துக்கும் பல்வேறு சலுகைகள் வழங்கப்படுகின்றன.

எல்ஐசி லூமின் கிரெடிட் கார்டு மூலம் 100 ரூபாய் செலவு செய்தால் 3 டிலைட் பாயிண்ட்ஸ் (Delight points) கிடைக்கும். எக்லாட் கார்டு மூலம் 100 ரூபாய் செலவு செய்தால் 4 டிலைட் பாயிண்ட்ஸ் கிடைக்கும்.

கிரெடிட் கார்டு மூலம் எல்ஐசி பிரீமியம் செலுத்தினால் மேற்கூறிய டிலைட் பாயிண்ட்ஸ் இருமடங்காக கிடைக்கும்.

எல்ஐசி எக்லாட் கிரெடிட் கார்டு வைத்திருப்போர் உள்நாட்டு மற்றும் சர்வதேச விமான நிலையங்களில் Lounge பயன்படுத்திக்கொள்ளலாம்.

பெரிய கட்டணங்கள் EMI ஆக மாற்றிக்கொள்ளலாம். 3, 6, 9, 12 மாதங்கள் என உங்கள் தேவைக்கும் விருப்பத்திற்கும் ஏற்ப EMI ஆக மாற்றிக்கொள்ளலாம்.

எல்ஐசி கிரெடிட் கார்டுகள் விபத்துக் காப்பீடு பலன்களுடன் வருகின்றன.

புதிதாக கார்டு வாங்கியோருக்கு Welcome Bonus உண்டு. அதாவது கார்டு வாங்கி 60 நாட்களுக்குள் 10,000 ரூபாய் செலவு செய்தால் 1,000 அல்லது 1,500 Welcome Bonus புள்ளிகள் கிடைக்கும்.

எல்ஐசி கிரெடிட் கார்டுக்கு மெம்பர்ஷிப் கட்டணம் அல்லது ஆண்டுக் கட்டணம் கிடையாது என்பது குறிப்பிடத்தக்கது.

newstm.in