14 அடி 10 கிலோ எடையுள்ள ராஜ நாகத்தை வெறும் கையால் அசால்ட்டாக பிடித்த நபர்! வைரல் வீடியோ!

தாய்லாந்து நாட்டின் தெற்கு மாகாணமான கிராபில் உள்ள பனை தோட்டத்திற்குள் பாம்பு ஒன்று புகுந்து, கழிவுநீர் தொட்டியில் மறைந்து கொள்ள முயன்றதாக உள்ளூர்வாசிகள் அதிகாரிகளுக்கு தகவல் அளித்தனர்.

அதனைத் தொடர்ந்து, ஆவோ நாங் துணை மாவட்ட நிர்வாக அமைப்பின் தன்னார்வ தொண்டரான சுதீ நவ்ஹாத், பாம்பை பிடிக்க வந்தார். பின்னர் கிட்டத்தட்ட 20 நிமிடங்கள் துரிதமாக செயல்பட்டு பாம்பை பிடித்தார்.

பிடிபட்ட அந்த ராட்சத நாகப்பாம்பு 4.5 மீட்டர் (கிட்டத்தட்ட 14 அடி) மற்றும் 10 கிலோகிராம்களுக்கு மேல் எடையுள்ளதாக கூறப்படுகிறது.

நவ்ஹாத் முதலில் ஒரு திறந்த சாலையில் பாம்பை வெளியே இழுத்து, பின்னர் அதைப் பிடிக்கும் முயற்சியைத் தொடங்கினார்.

அவர் ஃபேஸ்புக்கில் பகிர்ந்த ஒரு வீடியோ, பிடிக்கப்படுவதற்கான அனைத்து முயற்சிகளையும் ராஜ நாகம் எதிர்ப்பதைக் காட்டுகிறது. ஒரு கட்டத்தில், பாம்பு அதன் தாடையைத் திறந்து கொண்டு அவரை தக்க முன்னோக்கிச் சென்றது, ஆனால் நவ்ஹாத் அதன் வழியிலிருந்து தப்பித்தார்.

அத்தனை பெரிய விஷப்பாம்பை அவை மிக எளிதாக பிடித்த அந்த காட்கள் தற்போது இணையத்தில் வைரலாகிவருகிறது.

உள்ளூர் தகவல்களின்படி, பாம்பு பிடிப்பவர் கூறுகையில், அந்த ராஜ நாகம் பிடிபட்ட பின்னர் அதன் இயற்கையான வாழ்விடத்தில் பாதுகாப்பாக விடுவிக்கப்பட்டது.

சமீபத்தில் மற்றொரு நாகப்பாம்பு உள்ளூர் மக்களால் கொல்லப்பட்டதால், இந்த பாம்பு தனது துணையைத் தேடிக்கொண்டிருக்கலாம் என்று அவர் கூறினார்.

ராஜ நாகம் ஒரு விஷ பாம்பு இனமாகும், இது தெற்கு மற்றும் தென்கிழக்கு ஆசியாவில் மட்டுமே உள்ளது. இது உலகின் மிக நீளமான விஷப் பாம்பு, சராசரியாக 10 முதல் 13 அடி நீளம் கொண்டது.

கணிசமான அளவு பாம்புகளைக் கொண்ட தாய்லாந்தில் பதிவு செய்யப்பட்ட மிகப்பெரிய அரச நாகப்பாம்பு ஒன்று 18 அடி மற்றும் 4 அங்குல நிலத்தில் கைப்பற்றப்பட்டது குறிப்பிடத்தக்கது.