அமெரிக்க ஓபன் டென்னிஸ்: 53 ஆண்டுகளுக்கு பிறகு இங்கிலாந்து இளம் வீராங்கனை சாதனை வெற்றி !

அமெரிக்க ஓபன் டென்னிஸ் போட்டியில் 18 வயதேயான இங்கிலாந்து வீராங்கனை எம்மா ராடுகானு சாம்பியன் பட்டம் வென்று சாதனை படைத்துள்ளார்.

அமெரிக்காவின் நியூயார்க் நகரில் அமெரிக்க ஓபன் டென்னிஸ் மகளிர் ஒற்றையர் இறுதி போட்டிகள் நடந்தன. இதில், இங்கிலாந்து வீராங்கனை எம்மா ராடுகானு மற்றும் கனடா நாட்டின் லேலா பெர்னாண்டஸ் விளையாடினர்.

இருவரும் பதின் பருவ மகளிர் என்பதால் போட்டியின் வெற்றியாளர் சாம்பியன் பட்டம் மற்றும் அல்லாது வேறு சில சாதனைகளுக்கும் சொந்தக்காரர் ஆவார் என்பதால் போட்டி மிகவும் பரபரப்பாக தொடங்கியது.

இந்த போட்டியில், 6-4, 6-3 என்ற நேர்செட் கணக்கில் லேலாவை வீழ்த்தி எம்மா ராடுகானு வெற்றி பெற்றுள்ளார். இந்த போட்டி ஒரு மணிநேரம் 51 நிமிடங்கள் வரை நீடித்தது. இது எம்மா ராடுகானு-க்கு முதலாவது கிராண்ட்ஸ்லாம் பட்டம் ஆகும். இதனையடுத்து அவருக்கு பலரும் வாழ்த்து தெரிவித்து வருகின்றனர்.

அமெரிக்கா ஓபன் டென்னிசை 53 ஆண்டுகளுக்கு பின் பெற்ற முதல் பிரிட்டிஷ் பெண் இவர் ஆவார்.

newstm.in