ஆதரவற்ற குழந்தைகளுடன் பிறந்தநாள் கொண்டாடிய விஷால்.. குவியும் பாராட்டு !!

பிறந்தநாளன்று நடிகர் விஷாலுக்கு பலரும் வாழ்த்து கூறி வருகின்றனர்.

தமிழ் திரையுலகில் முன்னணி நடிகராகவும், தயாரிப்பாளராகவும் வலம் வருபவர் விஷால். இவர் விறுவிறுப்பாக படப்பிடிப்பில் கலந்துகொண்டு வருகிறார். தற்போது விஷால் கைவசம் தற்போது எனிமி, துப்பறிவாளன் 2, வீரமே வாகை சூடும் ஆகிய படங்கள் உள்ளன.

இதில் எனிமி படத்தை ஆனந்த் சங்கரும், வீரமே வாகை சூடும் படத்தை புதுமுக இயக்குனர் து.ப.சரவணனும் இயக்கி உள்ளனர். மேலும் ‘துப்பறிவாளன் 2’ படத்தில் நடிகர் விஷால் நடிப்பதோடு, இப்படத்தின் மூலம் அவர் இயக்குனராகவும் அறிமுகமாக உள்ளார். இதனால் இப்படத்திற்கு எதிர்பார்ப்பு எழுந்துள்ளது.

இதனிடையே, நடிகர் விஷால் இன்று தனது 44ஆவது பிறந்தநாளை கொண்டாடினார். ரசிகர்களும், நடிகர், நடிகைகள் உள்ளிட்ட திரையுலக பிரபலங்களும் சமூக வலைதளம் வாயிலாக அவருக்கு வாழ்த்துக்களை தெரிவித்து வருகின்றனர்.

இந்நிலையில், நடிகர் விஷால் ஆதரவற்றோர் இல்லத்தில் பிறந்தநாளை கொண்டாடி அவரும் மகிழ்ந்து அவர்களையும் மகிவித்துள்ளார். சென்னை புரசைவாக்கத்தில் உள்ள குழந்தைகளுக்கும், முதியவர்களுக்கும் உணவு வழங்கினார். மேலும் குழந்தைகளோடு கேக் வெட்டியும் கொண்டாடி மகிழ்ந்தார். இந்த புகைப்படங்கள் சமூக வலைதளங்களில் வைரலாகி வருகின்றன. இதனால் நடிகர் விஷாலை பலரும் பாராட்டி வருகின்றனர்.

newstm.in