சிறு சேமிப்புகளுக்கான வட்டி குறைப்பு நடவடிக்கை வாபஸ்.. ஒரே நாளில் பணிந்தது மத்திய அரசு !!

சிறுசேமிப்பு திட்டங்களுக்கான வட்டிகுறைப்பு அறிவிப்பை வாபஸ் பெறுவதாக நிதியமைச்சர் நிர்மலா சீதாராமன் அறிவித்துள்ளார்.

46 ஆண்டுகளில் இல்லாத அளவுக்கு பி.பி.எஃப் வட்டி விகிதத்தை குறைத்து மத்திய அரசு நேற்று அறிவித்தது. பி.பி.எஃப் வட்டி 7.1 சதவீதத்தில் இருந்து 6.4 சதவீதமாக குறைத்து நேற்று அறிவித்தது. மத்திய பாஜக அரசு கொண்டு வந்த செல்வமகள் சேமிப்பு திட்டத்துக்கான வட்டியும் 0.7% குறைக்கப்பட்டு இருந்தது. இதேபோல் அஞ்சலக சேமிப்பு திட்டத்துக்கான வட்டியும் 1.1% வரை அதிரடியாக குறைத்து மத்திய அரசு அறிவிப்பை வெளியிட்டிருந்தது.

மத்திய அரசின் இந்த வட்டி குறைப்பு நடவடிக்கைக்கு பல்வேறு தரப்பினர் கடும் எதிர்ப்பு தெரிவித்தனர். கடும் எதிர்ப்பை அடுத்து வட்டி குறைப்பு அறிவிப்பை மத்திய அரசு திரும்ப பெற்றது. மத்திய நிதி அமைச்சகம் நேற்று வெளியிட்ட வட்டிக்குறைப்பு அறிவிப்பை திரும்ப பெற்றதாக நிர்மலா சீதாராமன் டிவிட்டரில் தகவல் அளித்துள்ளார். பழைய வட்டி விகிதங்கள் தொடரும் என்று மத்திய அமைச்சர் நிர்மலா சீதாராமன் அறிவித்துள்ளார்.

சேமிப்பு திட்டங்களுக்கான வட்டி விகிதம் 4%ல் இருந்து 3.5%ஆக குறைக்கப்பட்டது வாபஸ் பெறப்படுவதாக அறிவிக்கப்பட்டுள்ளது. வங்கி சேமிப்பு, வைப்புத் தொகை திட்டங்கள், PPF, KVB, பெண் குழந்தைகளுக்கான சேமிப்பு திட்டங்களுக்கு நேற்று வட்டியை குறைத்து அறிவித்த நிலையில் இன்று வாபஸ் பெறப்படுகிறது.

Interest rates of small savings schemes of GoI shall continue to be at the rates which existed in the last quarter of 2020-2021, ie, rates that prevailed as of March 2021.
Orders issued by oversight shall be withdrawn. @FinMinIndia @PIB_India

— Nirmala Sitharaman (@nsitharaman) April 1, 2021

newstm.in