இளமை ஊஞ்சலாடுகிறது! சமந்தா வெளியிட்ட ஃபீலிங் வீடியோ!
இளமை ஊஞ்சலாடுகிறது! சமந்தா வெளியிட்ட ஃபீலிங் வீடியோ!
தமிழ் திரையுலகில் நடிகை சமந்தாவுக்கு என்றும் தனியிடம் உண்டு. அவர் சென்னை பல்லாவரத்தை சேர்ந்தவர். தற்போது மும்பையில் கணவருடன் வசித்து வருகிறார். சமந்தா சென்னை பல்லாவரம் மலையின் வீடியோவை வெளியிட்டு உருக்கமான பதிவையும் வெளியிட்டுள்ளார். பல்லாவரத்தைச் சேர்ந்த சமந்தா, தனது வீட்டுக்கு அருகே உள்ள மலையை எண்ணி உருக்கமாக இன்ஸ்டகிராமில் பதிவிட்டுள்ளார்.
அந்தப் பதிவில் இந்த மலை, நான் வளரும்போது என் வீட்டு மாடியிருந்து தெரியும். எனக்குப் பிடித்த இடம். எந்த ஒரு மனிதரையும் விட என்னை இதற்கு நன்குத் தெரியும். தேர்வு நாள்களின் பரபரப்பான காலைத் தருணங்கள், எல்லாக் கடவுள்களுக்கும் நான் செய்த, நிறைவேற்றாத சத்தியங்கள், என் முதல் காதல், இதயம் உடைந்தது, என் நண்பரின் மரணம், கண்ணீர்கள், பிரியாவிடைகள்... இதனால் தான் என்னுடைய மலைக்குத் தனிப் பதிவு அவசியம் என்று தனது இளமைக்காலத்தை உருக்கமாக நினைவு கூர்ந்துள்ளார்.
