தொடரும் மின்சார பைக் தீ விபத்து..!! புனே அருகே சார்ஜ் செய்த போது விபரீதம்!

மகாராஷ்டிரா மாநிலம் புனே நகரில் உள்ள கங்காதம் பகுதிக்கு அருகில் அமைந்துள்ள எலெக்ட்ரிக் பைக் ஷோரூமில் நேற்று மாலை நடந்த இந்த சம்பவத்தில் யாருக்கும் காயம் ஏற்படவில்லை எனவும் தீயணைப்புத்துறை தெரிவித்துள்ளது.

பைக்குகள் சார்ஜ் செய்வதற்காக இணைக்கப்பட்டிருந்தன. முதல்கட்ட விசாரணையில் அதிக சார்ஜ் ஏற்றியதால் ஷார்ட் சர்க்யூட் காரணமாக தீ விபத்து ஏற்பட்டிருக்கலாம் எனத் தெரிகிறது. ஆனால், தீ விபத்துக்கான காரணம் குறித்து விரிவான விசாரணைக்கு பிறகே தெரியவரும் என தீயணைப்பு படை அதிகாரி ஒருவர் தெரிவித்தார். மேலும், இச்சம்வத்தில் ஏழு பைக்குகள் தீப்பற்றி எரிந்தன என தெரிவித்தார்.

முன்னதாக, கடந்த மார்ச் மாதம் புனேவில் ஓலா எலெக்ட்ரிக் ஸ்கூட்டர் தீப்பிடித்தது. பின்னர் ஓலா எலெக்ட்ரிக் நிறுவனம் 1,441 எலெக்ட்ரிக் ஸ்கூட்டர்களை ஆய்வுக்காக திரும்பப் பெற்றது.

எலெக்ட்ரிக் இரு சக்கர வாகனங்கள் தீப்பிடித்து எரியும் சம்பவங்கள் அதிகரித்து வரும் நிலையில், இந்த விவகாரம் குறித்து விசாரிக்க அமைக்கப்பட்ட நிபுணர் குழுவின் அறிக்கையைப் பெற்ற பிறகு, கடன் செலுத்தாத நிறுவனங்களுக்கு கடுமையான அபராதம் விதிக்கப்படும் என்று மத்திய அமைச்சர் நிதின் கட்கரி இந்த ஆண்டு ஏப்ரல் மாதம் தெரிவித்திருந்தார் என்பது குறிப்பிடத்தக்கது.