ஆண்களுக்கும் பேருந்தில் இலவச பயணம்.. முதலமைச்சர் உத்தரவுக்காக காத்திருப்பு?

கடந்த சட்டமன்ற தேர்தலில் பெரும்பான்மையான இடங்களில் திமுக ஆட்சிக்கு வந்துள்ள நிலையில், முன்னாள் அறிவித்த வாக்குறுதிகளை நிறைவேற்றி வருகிறது. அந்த மேலும் தமிழ்நாடு முதல்வர் ஸ்டாலின் அறிவித்து வரும் திட்டங்கள் பொது மக்களிடையே பாராட்டுகளை பெற்று வருகிறது. அந்தவகையில், மகளிருக்கு இலவச பேருந்து பயணம் திட்டம் அனைத்து தரப்பு மக்களிடமும் மிகுந்த வரவேற்பை பெற்றது. 

இந்நிலையில் ஆண்களுக்கும் இலவச பேருந்து வழங்க கோரி இந்து தேசிய கட்சியினர் ராமநாதபுரம் மாவட்ட ஆட்சியரிடம் மனு அளித்துள்ள சம்பவம் பரபரப்பை ஏற்படுத்தியுள்ளது.

இராமநாதபுரம் மாவட்ட ஆட்சியர் அலுவலகத்தில் நேற்று மக்கள் குறைதீர்க்கும் நாள் கூட்டம் நடைபெற்றது. இதில் ஆண்களுக்கும் இலவச பேருந்து பயணம் வழங்க வேண்டும் என ராமநாதபுரம் மாவட்ட ஆட்சியர் வளாகத்தில் இந்து தேசிய கட்சியினர் வரிசையாக நின்று கோரிக்கை விடுத்து மாவட்ட ஆட்சியரிடம் மனு அளித்தனர்,

இதனை அடுத்து மாநில செயலாளர் ஹரிதாஸ் சர்மா செய்தியாளர்களிடம் பேசும் போது, தமிழக அரசு பெண்களுக்கு இலவச பேருந்து பயணத்தை உறுதி செய்துள்ளதை தொடர்ந்து, வறுமைக்கோட்டிற்கு கீழ் உள்ள அனைத்து ஏழை ஆண்களுக்கும் பேருந்தில் இலவச பயணம் மேற்கொள்ள அங்கீகாரத்துடன் கூடிய இலவச பேருந்து பயணத்தை உறுதி செய்ய வேண்டும் என கோரிக்கை விடுத்தார்.

newstm.in