சினிமா மட்டுமில்லை.. நடிகை ராஷ்மிகா மந்தனா புதிய முதலீடு !!

பிரபல திரைப்பட நடிகை ராஷ்மிகா மந்தனா. இவர் தமிழ், தெலுங்கு, கன்னட திரையுலகில் கலக்கி வருகிறார். தற்போது நடிகர் விஜய்க்கு நோடியாக வாரிசு படத்தில் நடித்துவருகிறார். திரைப்படங்களில் கலக்கி வரும் நடிகை ராஷ்மிகா தற்போது, அழகுசாதன பொருட்களை தயாரித்து துறையிலும் கால் பதித்துள்ளார். 

மகாராஷ்டிர மாநிலம் தானேவில் இயங்கி வரும் ப்ளம் (Plum) நிறுவனம் பியூட்டி மற்றும் பெர்சனல் கேர் பொருட்களை தயாரித்து விற்பனை செய்து வருகிறது. இந்நிலையில், ப்ளம் நிறுவனத்தில் ராஷ்மிகா மந்தனா முதலீடு செய்துள்ளார். மேலும் ப்ளம் நிறுவனத்தின் விளம்பரத் தூதராகவும் ராஷ்மிகா மந்தனா நியமிக்கப்பட்டுள்ளார்.

ப்ளம் நிறுவனத்தில் ராஷ்மிகா எவ்வளவு தொகை முதலீடு செய்துள்ளார் என்பது பற்றிய தகவல் வெளியாகவில்லை. வீகன் முறையில் ப்ளம் நிறுவனத்தின் பொருட்கள் தயாரிக்கப்படுகின்றன. இதுகுறித்து ராஷ்மிகா மந்தனா கூறுகையில், கடந்த சில ஆண்டுகளில் ப்ளம் நிறுவனம் சிறப்பாக வளர்ந்துள்ளது. வரும் காலத்தில் அனைவருக்கும் பிடித்தமான வீகன் பிராண்டாக ப்ளம் வளரும் என நம்புகிறேன், என்று தெரிவித்துள்ளார்.
 
ப்ளம் நிறுவனம் 2013ஆம் ஆண்டில் சங்கர் பிரசாத் என்பவரால் தொடங்கப்பட்டது. அழகுசாதன பொருட்கள், பெர்சனல் கேர் தயாரிப்புகளை வீகன் முறையில் உற்பத்தி செய்து ப்ளம் நிறுவனம் விற்பனை செய்கிறது. இந்நிறுவனத்தின் பொருட்கள் ஃப்ளிப்கார்ட், அமேசான், நைகா போன்ற தளங்களில் பரவலாக கிடைக்கிறது.

ஆண்டுக்கு 300 கோடி ரூபாய் வருவாய் ஈட்டி வருவதாக ப்ளம் நிறுவனம் கூறுகிறது. அடுத்த 12 மாதங்களில் வருவாயை இருமடங்காக உயர்த்துவதற்கு ப்ளம் இலக்கு வைத்துள்ளது. இந்த நிலையில் ராஷ்மிகா மந்தனா வருகையால் இந்நிறுவனம் மேலும் வளர்ச்சியை எட்டும்  என கருதப்படுகிறது. 

newstm.in