ரஜினிகாந்தின் 169-வது படம்.. தலைப்பு என்ன தெரியுமா..?

ரஜினிகாந்த் நடித்த ‘அண்ணாத்த’ திரைப்படம் கடந்த தீபாவளி பண்டிகையின்போது வெளியானது. அடுத்ததாக ரஜினி, நெல்சன் திலீப்குமார் இயக்கத்தில் நடிக்க இருக்கிறார். இது, ரஜினிக்கு 169-வது படம்.

இந்தப் படத்தில் கதாநாயகியாக நடிக்க ஐஸ்வர்யா ராயிடமும், நகைச்சுவை வேடத்துக்கு வடிவேலுவிடமும் பேசி வருவதாக தகவல் வெளியாகியுள்ளது.

ஏற்கனவே, ரஜினியுடன் ‘எந்திரன்’ படத்தில் ஐஸ்வர்யா ராயும், ‘சந்திரமுகி’ படத்தில் வடிவேலுவும் நடித்து இருந்தனர் என்பது குறிப்பிடத்தக்கது.

ரஜினியின் 169-வது படத்தை அனைத்து மொழிகளிலும் வெளியிட திட்டமிட்டு இருப்பதாகவும், எனவே எல்லா மொழிக்கும் பொருந்தும் வகையில் ஆங்கிலத்தில் பெயர் வைக்க முடிவு செய்து இருப்பதாகவும் கூறப்படுகிறது.

தற்போது 5 பெயர்கள் பரிசீலனையில் இருப்பதாகவும், இந்த பட்டியலில் ‘பாஸ்’ என்ற பெயரும் இருக்கிறது என்றும் இணைய தளங்களில் தகவல் பரவி வருகிறது.

ஆனால், படக்குழுவினர் இதை உறுதிப்படுத்தவில்லை. படப்பிடிப்பை ஆகஸ்ட் மாதம் தொடங்கி, பொங்கல் பண்டிகையில் திரைக்கு கொண்டுவர திட்டமிட்டுள்ளனர்.