அதிர்ச்சி! டெபிட் கார்டுகளுக்கு புதிய கட்டணம்!!

இந்தியா போஸ்ட் பேமெண்ட்ஸ் வங்கி டெபிட் கார்டுகளுக்கு புதிய கட்டணங்களை கொண்டுவந்துள்ளது.

இந்தியா போஸ்ட் பேமெண்ட்ஸ் வங்கி தனது வாடிக்கையாளர்களுக்கு Virtual Debit Card எனப்படும் டிஜிட்டல் டெபிட் கார்டு வழங்குகிறது. மொபைல் பேங்கிங் ஆப் மூலமாக இந்த டிஜிட்டல் கார்டு பெறலாம். இந்த கார்டு பயன்படுத்தி கட்டணம் செலுத்தலாம், ஷாப்பிங் செய்யலாம்.

இந்நிலையில் டிஜிட்டல் டெபிட் கார்டுகளுக்கான (Virutal Debit Cards) ஆண்டு பராமரிப்பு கட்டணம் மற்றும் மறு விநியோகத்திற்கான கட்டணங்களை ஜூலை 15ஆம் தேதி முதல் அறிமுகப்படுத்துவதாக இந்தியா போஸ்ட் பேமெண்ட்ஸ் வங்கி தெரிவித்துள்ளது.

அதன்படி, ஜூலை 15ஆம் தேதி முதல் டிஜிட்டல் டெபிட் கார்டுகளுக்கு ஆண்டு பராமரிப்பு கட்டணம் 25 ரூபாய் வசூலிக்கப்படும் என்று தெரிவித்துள்ளது. மேலும், டிஜிட்டல் டெபிட் கார்டு மீண்டும் வழங்குவதற்கு 25 ரூபாய் வசூலிக்கப்படும் எனவும் தெரிவித்துள்ளது.

பிரீமியம் கணக்குகளுக்கு (SBPRM) மட்டும் ஆண்டு பராமரிப்பு கட்டணமும், மறு விநியோக கட்டணமும் கிடையாது. இந்த கட்டணங்கள் அனைத்தும் டிஜிட்டல் டெபிட் கார்டுகளுக்கு மட்டுமே பொருந்தும் என்பது குறிப்பிடத்தக்கது.

newstm.in