அடுத்த 5 நாட்களுக்கு வெப்ப அலை கடுமையாக இருக்கும்.. வானிலை மையம் எச்சரிக்கை !!

அடுத்த 4 முதல் 5 நாட்களுக்கு மத்திய மற்றும் மேற்கு வெப்ப அலை தொடர வாய்ப்புள்ளதாக இந்திய வானிலை ஆய்வு மையம் தெரிவித்துள்ளது.

கோடை வெயில் தொடங்கிய நிலையில் தமிழகத்தில் கடும் வெயில் கொளுத்தி வருகிறது. இதனால் மக்கள் தவித்து வருகின்றனர். இதேபோல், நாடு முழுவதும் கடும் வெப்பம் நிலவி வரும் நிலையில், அடுத்த 4 முதல் 5 நாட்களுக்கு மத்திய மற்றும் மேற்கு இந்தியாவில் வெப்ப அலை தொடர வாய்ப்புள்ளதாக இந்திய வானிலை ஆய்வு மையம் புதன்கிழமை தெரிவித்துள்ளது. 

மேலும் வருகிற நாட்களில் தலைநகர் டெல்லியில் வெப்பநிலை 40 டிகிரி செல்சியஸ் வரை உயரக்கூடும் என்றும் கூறியுள்ளது. இதுகுறித்து கூறிய இந்திய வானிலை ஆய்வு மைய அதிகாரி கூறுகையில், வெப்பநிலை 39 டிகிரி வரை உயரப் போகிறது, மேலும் வெப்பநிலை 40 டிகிரியை எட்டும். ஏப்ரல் 1ஆம் தேதி முதல் வெப்பநிலையில் சிறிது வீழ்ச்சி இருக்கும், பின்னர் மீண்டும் அதிக வெப்பநிலை முழுவதும் தொடரும் என்று கூறினார்.

வங்காள விரிகுடாவிலிருந்து வடகிழக்கு வரை வீசுகின்ற வலுவான தென்மேற்கு காற்றின் காரணமாக குறைந்த வெப்பமண்டல மட்டத்தில் உள்ள மாநிலங்களான அருணாச்சல பிரதேசம், அஸ்ஸாம்-மேகாலயாவில் மார்ச் 31 முதல் ஏப்ரல் 3 வரை தனிமைப்படுத்தப்பட்ட கனமழை பெய்யும் என்று கூறியுள்ளார்.

 

newstm.in