3,552 பணியிடங்களுக்கான சீருடை பணியாளர் தேர்வு.. இன்று வெளியாகிறது அறிவிப்பு..!

தமிழக காவல்துறையில் காலியாக உள்ள இரண்டாம் நிலைக் காவலர், சிறைக் காவலர் மற்றும் தீயணைப்பு வீரர் ஆகிய 3,552 பணியிடங்களுக்கான நேரடித் தேர்வுக்கான அறிவிப்பை சீருடை பணியாளர் தேர்வு வாரியம் இன்று  (30-ம் தேதி) வெளியிடுகிறது.

விண்ணப்பதாரர்கள் www.tnusrb.tn.gov.in என்ற இணையதளத்தின் மூலம் ஜூலை 7-ம் தேதி முதல் ஆகஸ்ட் 15-ம் தேதி வரை விண்ணப்பிக்கலாம் என்று தமிழ்நாடு சீருடை பணியாளர் தேர்வு வாரியம் தெரிவித்துள்ளது.

இந்த பணியிடங்களுக்கு 10-ம் வகுப்பு தேர்ச்சி பெற்றிருப்பதுடன், தேவையான உடல் தகுதியும் வேண்டும். எனவே, நல்ல உடல் தகுதியுடன், 10 ஆம் வகுப்பு தேர்ச்சி பெற்று, காவலராக விருப்பமுள்ளவர்கள் இந்தத் தேர்வுக்கு தயாராகிக் கொள்ளுங்கள்.