வந்தாச்சு சிலிண்டர் மானியம்… உடனடியாக அக்கவுண்ட்டை செக் பண்ணுங்க!!

சமையல் சிலிண்டருக்கான மானியத் தொகை நிறையப் பேருக்கு வந்துவிட்ட நிலையில், அதை எப்படி தெரிந்துகொள்வது என்று பார்க்கலாம்.

கொரோனா பாதிப்பு வந்த பிறகு அரசுக்கு கடுமையான நிதி நெருக்கடி ஏற்பட்டதால் சமையல் சிலிண்டருக்கான மானியம் நிறுத்தப்படுவதாகத் தகவல் வெளியானது.

ஒரு ஆண்டுக்கும் மேலாக மானியத் தொகை வங்கிக் கணக்கில் வந்துசேரவே இல்லை. இந்நிலையில், சில நாட்களுக்கு முன்னர்தான் மானியத் தொகையை மத்திய அரசு மீண்டும் வழங்கியிருந்தது.

இந்நிலையில் மானியத் தொகை வந்ததா இல்லையா என்று கண்டுபிடிப்பது எளிதான ஒன்று. முதலில் Mylpg.in என்ற வெப்சைட்டில் சென்று மெயின் பேஜில் இண்டேன், பாரத் கேஸ், ஹெச்பி கேஸ் ஆகிய மூன்றில் ஒன்றை தேர்ந்தெடுக்க வேண்டும்.

உடனே புதிய பக்கம் ஓப்பன் ஆகும். அதிலுள்ள பார் மெனுவுக்குச் சென்று ’Give your feedback online’என்பதைக் கிளிக் செய்ய வேண்டும். உங்களுடைய மொபைல் நம்பர், கஸ்டமர் ஐடி, மாநிலத்தின் பெயர், ஏஜென்சி பெயர் போன்ற விவரங்களை நிரப்ப வேண்டும். அதன் பிறகு, ‘Feedback Type’ என்பதைக் கிளிக் செய்யவும்.

பின்னர் ’Complaint’ விருப்பத்தைத் தேர்ந்தெடுத்து ‘Next’ கொடுக்க வேண்டும். இப்போது புதிய பக்கம் ஒன்று ஓப்பன் ஆகும். அதில் மானியத் தொகை வங்கிக் கணக்கில் வந்ததா, இல்லையா என்பதை நீங்கள் பார்க்கலாம். 

ஒருவேளை மானியத் தொகை உங்களுக்குக் வராமல் இருந்தால் 18002333555 என்ற டோல் ஃப்ரீ நம்பருக்கு அழைத்து புகாரளிக்கலாம்.

newstm.in