குறைந்த செலவில், வருமானம் அதிகம் தரும் தங்க சேமிப்புக் கணக்கு!!

தங்கம் முதலீட்டை எளிமைப்படுத்துவதற்காக தங்க சேமிப்பு கணக்கு (Gold savings account) திட்டத்தை அறிமுகப்படுத்த அரசு திட்டமிட்டுள்ளது.

தங்க நகை, தங்க நாணயம் போன்றவற்றை வாங்கும்போது செய்கூலி, வரி ஆகியவற்றை சேமிக்க தங்க சேமிப்புக் கணக்கு உதவும். செலவுகளை குறைப்பது மட்டுமல்லாமல் பாதுகாப்பாக முதலீடு செய்யவும் தங்க சேமிப்புக் கணக்கு உதவுகிறது.

தங்கத்தை வங்கி லாக்கரில் பாதுகாப்பாக தனி வாடகை செலுத்த வேண்டும். இதுபோக லாக்கர் இன்சூரன்ஸ் வேறு உள்ளது. இந்நிலையில், இதற்கு தீர்வு காண தங்க சேமிப்பு கணக்கு அறிமுகப்படுத்தப்படுகிறது.

தங்க சேமிப்புக் கணக்கில் தினமும் கூட டெபாசிட் செய்ய முடியும். நேரடியாக வங்கிக்கிளைக்கு சென்று டெபாசிட் செய்யலாம். அன்றைய தங்கம் விலைக்கு நிகாரான தொகையை செலுத்திவிட்டால் போதும்.

தங்க சேமிப்புக் கணக்கில் உள்ள பேலன்ஸ் தொகையை தங்க எடையாக கருதி அதற்கு வட்டித் தொகையும் வங்கியால் செலுத்தப்படும். ஒவ்வொரு மாதத்தின் இறுதியிலும் இந்த வட்டித் தொகை செலுத்தப்படும்.

எனவே, தங்கம் வாங்குவதற்கான செலவும், பாதுகாப்பு செலவு ஆகியவற்றை தவிர்ப்பதுடன், வட்டி மூலம் வருமானம் பெற்று, வரியையும் சேமிக்க இந்த தங்க சேமிப்புக் கணக்கு உதவுகிறது.

newstm.in