மேரிகோம் அசத்தல்! ஆசிய குத்துச்சண்டை போட்டி வெள்ளி வென்றார்!

மே 24ம் தேதி துபாயில் தொடங்கிய ஆசிய குத்துச்சண்டை சாம்பியன்ஷிப் போட்டி நேற்று வரையில் நடைபெற்றது. இந்த போட்டியில், இந்தியா, உஸ்பெகிஸ்தான், கஜகஸ்தான் உள்பட 17 நாடுகளை சேர்ந்த 150 வீரர்-வீராங்கனைகள் பங்கேற்றுள்ளனர்.

பெண்கள் பிரிவில் நடந்த 51 கிலோ பிரிவின் இறுதி ஆட்டத்தில் 6 முறை உலக சாம்பியனான இந்தியாவின் மேரிகோம், கஜகஸ்தானின் நஸிம் கைஜாபாயை எதிர்கொண்டார். இந்த போட்டியில் மேரிகோம் 2-3 என்ற கணக்கில் தோல்வி அடைந்தார். இதனால் மேரிகோமுக்கு வெள்ளிப்பதக்கம் பெற்றார். ஆசிய குத்துச்சண்டையில் மேரிகோம் 7-வது பதக்கம் (5 தங்கம், 2 வெள்ளி) இதுவாகும்.
64 கிலோ பிரிவில் இந்தியாவின் லால்பாட்சாய்ஷி 2-3 என்ற கணக்கில் மிலனா சப்ரோனோவாவிடம் (கஜகஸ்தான்) தோற்று வெள்ளிப்பதக்கத்தை பெற்றார்.