ஆப்கானிஸ்தானில் பசி.. பட்டினி.. குழந்தைகள் உள்பட பல லட்சம் பேர் இறக்கும் அபாயம் ! ஐ.நா. எச்சரிக்கை !

ஆப்கானிஸ்தான் அவசர நடவடிக்கை எடுக்கப்படாவிட்டால், லட்சக்கணக்கானோர் குளிர்காலத்தில் பட்டினியால் உயிரிழக்க நேரிடும் என்று ஐ.நா. எச்சரித்துள்ளது.

அமெரிக்க படைகள் வெளியேறியதை தொடர்ந்து கடந்த ஆகஸ்ட் மாதம் ஆப்கானிஸ்தான் தலிபான்கள் வசம் சென்றது. இதனையொட்டி ஆயிரக்கணக்கான மக்கள் அந்நாட்டில் இருந்து வெளியேறினர். தற்போது தலிபான்களிடம் ஆட்சி அதிகாரம் உள்ளது. ஆனால், தலிபான்கள் ஆட்சி அதிகாரத்தை கைப்பற்றிய பின்னர் அந்நாடு நிதி நெருக்கடியில் சிக்கி தவித்து வருகிறது. அரசு ஊழியர்களுக்கு ஊதியம் கொடுக்கபடாமல் உள்ளது. மேற்கத்திய நாடுகள் ஆப்கானிஸ்தானுக்கான உதவியை நிறுத்தின மற்றும் உலக வங்கி மற்றும் சர்வதேச நாணய நிதியமும் பணம் செலுத்துவதை நிறுத்தியது.

 தற்போது, அந்நாட்டு கடும் உணவு பஞ்சத்தில் சிக்கியுள்ளது. இந்த நிலையில் ஐநா சபையின் உலக உணவுத் திட்ட (WFP) நிர்வாக இயக்குநர் டேவிட் பீஸ்லி கூறுகையில், ஆப்கானிஸ்தானின் 39 மில்லியன் மக்களில் பாதிக்கு மேல் 22.8 மில்லியன் மக்கள் கடுமையான உணவுப் பாதுகாப்பின்மை மற்றும் பட்டினியை நோக்கி சென்றுகொண்டிருக்கின்றனர்.  
நாம் கணிப்பது நாம் எதிர்பார்த்ததை விட வேகமாக  உண்மையாகிவிடும். யாரும் எதிர்பார்த்ததை விட வேகமாக காபூல் வீழ்ச்சியடைந்தது மற்றும் பொருளாதாரம் அதை விட வேகமாக வீழ்ச்சியடைந்துள்ளது, என்று கூறியுள்ளார். 

மேலும், பசியால் குழந்தைகள் இறக்கப் போகிறார்கள். மக்கள் பட்டினி கிடக்கிறார்கள். விஷயங்கள் மிகவும் மோசமாகப் போகிறது. மனிதாபிமான செயல்களுக்கான நிதியை உடனடியாக விடுவிக்க வேண்டும் என்று  டேவிட் பீஸ்லி கோரிக்கை வைத்துள்ளார். குளிர்காலம் நெருங்குவதால் கிட்டத்தட்ட 23 மில்லியன் பலவீனமான மக்களுக்கு ஓரளவு உணவளிக்க ஒரு மாதத்திற்கு 220 மில்லியன் டாலர் வரை தேவைப்படும் என ஐநா உணவு நிறுவனம் கணக்கிட்டுள்ளது.

newstm.in