நயன்தாராவின் ‘நெற்றிக்கண்’ டிரைலர் வெளியீடு !

லேடி சூப்பர் ஸ்டார் நயன்தாரா நடிப்பில் உருவாகியுள்ள படம் ‘நெற்றிக்கண்’. இப்படத்தை ‘அவள்’ படத்தின் இயக்கிய மிலிந்த் ராவ் இயக்கியுள்ளார். ‘ப்ளைண்ட்’ என்ற கொரியப் படத்தின் அதிகாரப்பூர்வ ரீமேக் தான் இந்தப் படம். நயன்தாரா விக்னேஷ் சிவன் ஜோடியின் ரௌடி பிக்சர்ஸ் நிறுவனம் தயாரித்துள்ளது. இந்தப் படத்தில் நயன்தாரா பார்வையற்ற பெண்ணாக நடித்துள்ளார். இந்த படம் தமிழ், தெலுங்கு, மலையாளம், கன்னடம் என 4 மொழிகளில் வெளியாகிறது. 

இந்நிலையில் இந்த படத்தின் டிரெய்லரை படக்குழு வெளியிட்டுள்ளது. இந்த டிரெய்லரை தனது ட்விட்டர் பக்கத்தில் பகிர்ந்துள்ள நயன்தாரா, இருக்கும் கண்கள் மூடினால், மூன்றாவது கண் திறக்கும்! இது நயன்தாராவின் சுட்டெரிக்கும் நெற்றிக்கண் என பதிவிட்டுள்ளார். இப்படம் வரும் 13ம் தேதி டிஸ்னி ப்ளஸ் ஹாட்ஸ்டாரில் வெளியாகிறது.