விமானத்தில் தீப்பிடித்து எறிந்த சாம்சங் போன்! அந்த பரபரப்பு நிமிடங்கள்.. உறைந்த பயணிகள் !!

அலாஸ்கா ஏர்லைன்ஸ் விமானத்தின் கேபினுக்குள் சாம்சங் கேலக்ஸி ஏ21 ஸ்மார்ட்போன் தீப்பிடித்து எரிந்ததையடுத்து அந்த விமானம் சியாட்டில் - டகோமா சர்வதேச விமான நிலையத்தில் அவசர அவசரமாக தரையிக்கப்பட்ட சம்பவம் பெரும் பரபரப்பை ஏற்படுத்தியுள்ளது. விமானம் அவசரமாக தரையிறக்கப்பட்டது மட்டுமன்றி, விமானத்தில் இருந்தவர்களை விரைவாக வெளியேற்ற விமான பணியாளர்கள் Evacuation Slide-களையும் பயன்படுத்தி உள்ளனர்.
 

கடந்த 23ஆம் தேதி மாலை நியூ ஆர்லியன்ஸில் இருந்து விமானம் தரையிறங்கிய பிறகு, ஒரு பயணியின் ஸ்மார்ட்போன் ஒன்று திடீரென  தீப்பற்றியது. இந்த தகவலை அலாஸ்கா ஏர்லைன்ஸ் செய்தித் தொடர்பாளர் தெரிவித்துள்ளார். வெடித்தது சாம்சங் போன் தான் என்பதும் உறுதி செய்யப்பட்டது. காவல்துறை அதிகாரி ஒருவருடனான நேர்காணலின் போது, ஒரு பயணி தானாக முன்வந்து அது சாம்சங் கேலக்ஸி ஏ21 மாடல் என்பதை வெளிப்படுத்தினர். ஆனால் சாதனத்தின் மீதமுள்ள பகுதிகளைப் பார்த்து எங்களால் அதை உறுதிப்படுத்த முடியவில்லை என்று அவர் கூறியுள்ளார்.
 

சாம்சங் ஸ்மார்ட்போன் தீப்பிடித்த விமானம் மொத்தம் 128 பயணிகள் மற்றும் ஆறு பணியாளர்களை கொண்டிருந்தது என்று சியாட்டில் துறைமுகம் தெரிவித்துள்ளது. அதிர்ஷ்டவசமாக, தீவிபத்துடன் தொடர்புடைய சேதங்கள் மற்றும் பயணிகளுக்கு கடுமையான காயங்கள் எதுவும் இல்லை என்றும் துறைமுகம் தெரிவித்துள்ளது.
இதுபற்றி சாம்சங் செய்தித் தொடர்பாளர், நிறுவனம் இந்த விபத்து சம்பவத்தை பற்றி அறிந்துள்ளதாகவும் தற்போது ஒரு முழுமையான விசாரணையை நடத்தி வருவதாகவும் கூறி உள்ளார். இது தீப்பிடித்த முதல் சாம்சங் போன் அல்ல. இந்த முழு சம்பவமும் ஐந்து ஆண்டுகளுக்கு முன்பு கேலக்ஸி நோட் 7 ஸ்மார்ட்போனின் வெடிப்பு சம்பவத்தை நினைவூட்டுகிறது என குறிப்பிட்டார்.

சாம்சங் கேலக்ஸி A21 ஸ்மார்ட்போனின் அம்சங்கள்:

- 6.5 இன்ச் இன்ஃபினிட்டி-ஓ எச்டி+ டிஸ்ப்ளே
- 3 ஜிபி ரேம்

- 32 ஜிபி ஸ்டோரேஜ்
- ஆக்டா-கோர் ப்ராசஸர்
- ஆண்ட்ராய்டு 10 ஓஎஸ் அடிப்படையிலான OneUI
- 4000mAh பேட்டரி
- 15W ஃபாஸ்ட் சார்ஜிங் ஆதரவு
- குவாட் ரியர் கேமரா அமைப்பு
- 16 எம்பி + 8 எம்பி + 2 எம்பி + 2 எம்பி
- 13 எம்பி செல்பீ கேமரா
- பின்புறத்தில் பொருத்தப்பட்ட பிங்கர் பிரிண்ட் ஸ்கேனர்

newstm.in