#BREAKING:- ‘ஷாஜகான்’ படத்தின் இயக்குநர் ஆச்சார்யா ரவி மாரடைப்பால் மரணம்..!

விஜய் நடிப்பில் வெளியான ‘ஷாஜகான்’ திரைப்படத்தின் இயக்குநர் ஆச்சார்யா ரவி, இன்று காலை மாரடைப்பால் மரணம் அடைந்தார்.

இயக்குநர் பாலாவிடம் உதவி இயக்குநராகப் பணிபுரிந்தவர் ரவி. இவர், ‘ஆச்சார்யா’ எனும் படத்தை இயக்கியதன் மூலம் ஆச்சார்யா ரவி ஆனார்.  இதையடுத்து, ‘அனைத்துக்கும் ஆசைப்படு’, ‘டம்மி டப்பாசு’, ‘விண்’, விஜய் நடிப்பில் வெளியான ‘ஷாஜஹான்’, அரவிந்த் சாமி நடிப்பில் வெளியான ‘என் சுவாசக் காற்றே’, பிரபு நடிப்பில் வெளியான ‘தர்மசீலன்’ உள்ளிட்ட படங்களை இயக்கியுள்ளார். 

இந்நிலையில், உடல் நலக்குறைவால் மதுரை மீனாட்சி மிஷன் மருத்துவமனையில் அனுமதிக்கப்பட்டிருந்த இயக்குநர் ஆச்சார்யா ரவி, இன்று காலை மாரடைப்பால் மரணம் அடைந்தார்.