ரஜினி தலை தப்புமா? நாளை வெளியாகிறது தீர்ப்பு

பெரியார் குறித்து சர்ச்சைக்குரிய வகையில் பேசியதற்காக நடிகர் ரஜினிகாந்துக்கு எதிராக தொடரப்பட்ட வழக்கில் எழும்பூர் பெருநகர குற்றவியல் நடுவர் நீதிமன்றம் நாளை தீர்ப்பளிக்கிறது. 

ரஜினி மீது இராணுவ நடவடிக்கை எடுக்கக் கோரி திராவிடர் விடுதலை கழக மாவட்ட தலைவர் உமாபதி சென்னை பெருநகர மாஜிஸ்திரேட் முன் புகார் அளித்திருந்தார். இந்த விவகாரத்தில் ரஜினிகாந்த் மீது வழக்குத் தொடர காரணங்கள் உள்ளதா என்று கண்டறியுமாறு நீதிமன்றம் காவல்துறையினருக்கு உத்தரவிட்டிருந்தது. 

ஜனவரி மாதம் இந்த சர்ச்சை தொடர்பாக திராவிடர் விடுதலைக் கட்சி சென்னை உயர் நீதிமன்றத்தை அணுகியது. விதிமுறைப்படி காவல்துறையிடம் புகார் அளிக்க காத்திருப்பு காலமான 15 நாட்கள் கடந்துவிட்டதால் உயர்நீதிமன்றம் மனுவை தள்ளுபடி செய்தது. அதனைத் தொடர்ந்து கடந்த வாரம் சென்னை பெருநகர மாஜிஸ்திரேட்டிடம் புகார் மனு அளிக்கப்பட்டது. 

கடந்த ஜனவரி மாதம் துக்ளக் பத்திரிகையின் 50ஆவது ஆண்டு விழாவில் பேசிய ரஜினிகாந்த், சேலத்தில் பெரியார் நடத்திய ஊர்வலத்தில் ராமர் மற்றும் சீதையின் நிர்வாண படங்களுக்கு செருப்பு மாலை அணிவித்து கொண்டு சென்றனர் என்று கூறியிருந்தார். ரஜினியின் அந்த கருத்துக்கு பலரும் கண்டனங்களை பதிவு செய்தனர். 
 

newstm.in